Nur-Sultan qalasy ákiminiń orynbasary, ákimdik janyndaǵy dini birlestiktermen bailanys keńesi tóraǵasynyń orynbasary Baqtiiar Máken elordanyń bitimgershilik róli týraly pikir bildirdi, dep habarlaidy QazAqparat.
«Qazaqstannyń qol jetkizgen mańyzdy jetistikteriniń biri – ultaralyq jáne dinaralyq kelisimge negizdelgen áleýmettik turaqtylyq. Jyl saiyn 18 qazanda elimizde Rýhani kelisim kúni atalyp ótedi. QR Tuńǵysh Prezidenti Nursultan Nazarbaevtyń bitimgerlik saiasat baǵytyn tańdaýy jahandyq yqpaldy arttyrýdaǵy turaqty platforma boldy. Zorlyq-zombylyq, dini ekstremizm men terrorizm syndy qaýip-qaterdiń aldyn alý úshin Elbasy Álemdik jáne dástúrli dinderdiń kóshbasshylaryn sezge shaqyrdy. Bul sezd áli kúnde deiin mańyzdy gýmanitarlyq joba bolyp sanalady. Osylaisha, bizdiń elorda din kóshbasshylarynyń dialogyna arnalǵan, senim men ózara túsinistikke negizdelgen alań boldy. Bizdiń astana Siriialyq retteýler boiynsha Jeneva protsesin tolyq qoldaidy. Nur-Sultan qalasy beibit kelissózder qalasyna ainaldy. Birlesken kúsh-jiger arqyly Siriiadaǵy shielenisti toqtatatamyz dep úmittenemin», - dedi B. Máken Beibitshilik jáne kelisim saraiynda rýhani kelisim kúnine arnalǵan respýblikalyq jiynda.
Sonymen birge, ákim orynbasary kún saiyn Qazaqstan halqynyń birligin nyǵaitýǵa úles qosyp júrgen dini jáne qoǵamdyq birlestikterdiń rólin atap ótti.
«Bizdiń mindetimiz – qoǵamda qalyptasqan etnosaralyq jáne konfessiiaaralyq kelisimniń turaqty úlgisin saqtap qalý. Árbir qazaqstandyq tóbemizdegi ashyq aspandy qadirlep, Otanymyzdyń damýyna úles qosýy kerek. Elbasy Jastar jylynyń ashylýynda Qazaqstan halqy Assambleiasynyń jastar saiasatyna kóbirek kóńil bólýin tapsyrǵan edi. Assambleia egemen Qazaqstannyń, urpaqtar sabaqtastyǵynyń, birlik pen patriottyqty nyǵaitý qundylyqtaryn nasihattaý boiynsha naqty baǵdarlama ázirleýi tiis», - dedi Baqtiiar Máken.
Aita keteiik, Nur-Sultan qalasynda rýhani kelisim kúnine arnalǵan «Rýhani kelisim – birlik pen turaqtylyq kepili» respýblikalyq konferentsiia ótti.
18 qazan – Qazaqstanda rýhani kelisim kúni. 1992 jyly bekitilgen. 1992 jyldyń qazan aiynda Qazaqstannyń sol kezdegi astanasy - Almaty qalasynda rýhani kelisimniń 1-inshi álemdik kongresi ótti. Sol kongreske qatysýshylar qazannyń 18-in rýhani kelisim kúni - qaqtyǵystar men janjaldarǵa toqtam salý, tatýlyq izdeý, jaqynyńa qaiyrymdylyq jáne kómek kórsetý kúni dep jariialaý týraly manifest qabyldady.
Qazirgi ýaqytta elimizde 18 dini konfessiia bar jáne 130-ǵa jýyq etnos ókilderi ómir súredi. Elimizde 3541 meshit, shirkeý, ǵibadathana jáne 3720 dini birlestik jumys isteidi.
