Elordalyq politsiia qyzmetkerleri balabaqshalardyń birinde qyzdy urdy degen kúdiktiniń kinási dáleldengenin aitty, - dep habarlaidy Tengrinews.kz tilshisi.
Nur-Sultan qalalyq IID baspasóz qyzmeti málimetinshe, "Alan" balabaqshasynda balany uryp-soǵý deregine qatysty Qylmystyq kodekstiń 140-baby "Kámeletke tolmaǵan adamdy tárbieleý jónindegi mindetterdi oryndamaý" boiynsha qylmystyq is qozǵalǵan.
Nur-Sultan qalalyq IIB bastyǵynyń orynbasary Muratjan Shákerovtiń aitýynsha, 2022 jyldyń 25 qańtarynda qylmystyq is aiaqtalyp, protsessýaldyq sheshim qabyldaý úshin sotqa joldanǵan.
Buǵan deiin Nur-Sultanda balabaqshada kishkentai qyz soqqyǵa jyǵylǵanyna qatysty janjal jalǵasyp jatqany habarlandy. Ata-anasynyń aitýynsha, eki jasar qyz úiine oralǵanda, denesinde kógergen jáne qylǵyndyrǵan izder bolǵan.
