Ǵabit Tájimuratov Nur-Sultan halyqaralyq áýejaiynyń jańa basshysy bolyp taǵaiyndaldy, dep habarlaidy "Ult aqparat" Azamattyq aviatsiia komitetine silteme jasap.
Buǵan deiin Ǵ. Tájimuratov áýejaidyń basqarma tóraǵasynyń infraqurylymdyq qamtamasyz etý boiynsha orynbasary bolyp qyzmet etken.
Ǵabit Qaliuly Tájimuratov 1972 jyly 23 naýryzda dúniege kelgen. 1997 jyly Máskeý memlekettik aviatsiialyq tehnikalyq ýniversitetin (Máskeý, RF) Ushý apparattary men aviatsiialyq qozǵaltqyshtardy tehnikalyq paidalaný mamandyǵy boiynsha, 2000 jyly ál-Farabi atyndaǵy Qazaq memlekettik ulttyq ýniversitetin (Almaty, Qazaqstan) Quqyqtaný mamandyǵy boiynsha bitirgen. 2018 jyly «IBS Astana» jáne «EU» Halyqaralyq biznes mektebinde bilim alǵan.
Eńbek jolyn 1993 jyly Máskeýdegi 5-shi jóndeý-paidalaný basqarmasynda jumysshy bolyp bastaǵan. 1994-1995 jyldary Máskeýde Mosinjstroi MMK Sý №19 1-shi razriadty jumysshy, 1998-1999 jyldary – Almatyda QR KKM Memlekettik aviatsiialyq registrinde áýe kemelerin paidalanýshylaryn sertifikattaý bóliminiń jetekshi sarapshysy, 1999-2001 jyldary – Almatyda «Qazaviasertifikatsiia» JAQ kommertsiialyq áýe kóligi men jalpy maqsattaǵy aviatsiiany paidalanýshylardyń tehnikalyq aýditi boiynsha bas sarapshy-aýditor, bólim basshysy, 2001-2002 jyldary – Astanada QR Kólik jáne kommýnikatsiia ministrliginiń Zań departamenti organdar júiesiniń qyzmetin quqyqtyq qamtamasyz etý bóliminiń bas mamany bolǵan.
2002 – 2003 jj. – QR Kólik jáne kommýnikatsiia ministrligi Azamattyq aviatsiia komitetiniń áýe kompaniialar qyzmetin retteý bóliminiń bastyǵy, 2003 – 2008 jj. – QR Kólik jáne kommýnikatsiia ministrligi Azamattyq aviatsiia komitetiniń áýe kompaniialar qyzmetin retteý basqarmasynyń bastyǵy, 2008 – 2010 jj. – QR Kólik jáne kommýnikatsiia ministrliginiń Strategiialyq josparlaý jáne kólik-kommýnikatsiia keshenin damytý departamenti azamattyq aviatsiiany damytý basqarmasynyń bastyǵy, 2010 – 2014 jj. –QR Prezidentiniń Is basqarmasy Resmi is-sharalar jáne syrtqy bailanystar bóliminiń kóliktik qamtamasyz etý sektorynyń meńgerýshisi, 2014 –2015 jj. – «Airport Management Group» JShS Bas direktorynyń orynbasary, 2015 – 2019 jj. – «Astana halyqaralyq áýejaiy» AQ Basqarma tóraǵasynyń orynbasary, operatsiialyq qyzmet jónindegi basqarýshy direktor, memlekettik organdarmen ózara is-qimyl jónindegi basqarýshy direktor bolǵan.
2019 jyldan bastap Nursultan Nazarbaev halyqaralyq áýejaiynyń infraqurylymdyq qamtamasyz etý jónindegi basqarma tóraǵasynyń orynbasary qyzmetin atqardy.
«Qazaqstan Táýelsizdigine 20 jyl» mereitoilyq medalimen, QR Prezidentiniń jáne basqa da memlekettik organdardyń alǵys hattarymen marapattalǵan. 2015 jyly «Qurmetti aviator» tós belgisimen marapattalǵan.
