Nur Otan partiiasy jalǵyzbasty qarttar, múgedekter men kópbalaly otbasylarǵa kómektesý úshin 150 mln teńge bóldi, dep habarlaidy "Ult aqparat".
«Elbasy, «Nur Otan» partiiasynyń tóraǵasy Nursultan Nazarbaevtyń tapsyrmasy boiynsha «Kedergisiz keleshek», «Baqytty otbasy» jáne «Ardagerlerdi ardaqtaiyq» partiialyq jobalary aiasynda karantin jariialanǵan Nur-Sultan jáne Almaty qalalaryndaǵy jalǵyzbasty qarttarǵa, múgedekter men turmysy tómen kópbalaly otbasylarǵa ataýly kómek kórsetý úshin 150 mln teńge baǵyttaldy. Bul qarajatqa meditsinalyq maska, antiseptikalyq quraldar men birinshi kezekte qajetti taýarlar satyp alynyp, olardy partiialyqtar men «Jas Otan» volonterleri halyqtyń turmysy tómen áleýmettik tobyna úlestirip beredi», - dep jazady «Nur Otan» partiiasy tóraǵasynyń birinshi orynbasary Baýyrjan Baibek Instagram paraqshasynda. ⠀
Qazir Nur-Sultan jáne Almaty ákimdikterimen birge koronavirýstyń taralýyna jol bermeý maqsatynda qurylǵan jedel shtabtarǵa kómek kórsetý úshin volonter-eriktilerdiń yqsham toptary jasaqtalýda.
Sonymen qatar partiianyń ortalyq apparaty men filialdarynyń qyzmetkerleri osy qajettilikterge ózderiniń bir kúndik jalaqysyn aýdarý týraly sheshim qabyldady.
