Almatyda praimerizge qatysýǵa 55 adam niet bildirdi. Onyń ishinde kópbalaly analar da bar. Bul týraly shahar basshysy Baqytjan Saǵyntaev Facebook-tegi paraqshasynda jazdy, dep habarlaidy "Ult aqparat".
«Qurmetti almatylyqtar! Ózderińiz biletindei, keshe Qazaqstanda Nur Otan partiiasynyń praimerizine qatysýǵa ótinim qabyldaý bastaldy. Bul — máslihat men Májilistiń negizgi sailaýyna myqty ári kreativti kandidattardy anyqtaýǵa kómektesetin partiia ishindegi rásim»,– dep jazdy ákim.
Sonymen qatar, almatylyq jastar úshin bul óz ideialaryn júzege asyrýǵa úlken múmkindik ekenin atap ótti.
«Almaty – jastar qalasy. Ári onyń eldiń saiasi jáne ekonomikalyq damýy úshin mańyzy asa zor. Sondyqtan bul almatylyq jas býyn ókilderine óz úlesterin qosyp, óz ideialaryn júzege asyrýyna úlken múmkindik»,– deidi ákim.
Praimerizge qatysýǵa 55 almatylyq niet bildirgen.
«Birinshi kúni-aq praimerizge qatysýǵa 55 almatylyq niet bildirdi. Sonyń ishinde 38%-y áielder, 21%-y jastar. Sondai-aq olardyń ishinde erekshe qajettilikteri bar adamdar men kópbalaly analar bar»,– dep atap ótti shahar basshysy.
Partiia qundylyqtaryn bólisetin jáne sailaý quqyǵyna ie memlekettiń taǵdyryna beijai qaramaityn kez kelgen adamnyń praimerizge qatysýyna bolady.
