«Nur Otan» partiiasynyń Tóraǵasy, Elbasy Nursultan Nazarbaev «Nur Otan» partiiasy» qoǵamdyq birlestiginiń kezekten tys XIX Sezin shaqyrý týraly Qaýlyǵa qol qoidy. Bul týraly Aqordanyń resmi saity habarlady.
Sez Nur-Sultan qalasynda 2019 jyldyń 23 sáýirinde ótedi.
Aita ketsek, 2019 jyldyń 9 sáýirinde prezident Qasym-Jomart Toqaev 2019 jyldyń 9 maýsymynda kezekten tys prezident sailaýy bolatynyn jariialady. Kóptegen saiasattanýshynyń pikirinshe, bilik etýshi partiia óz kandidaty retinde qazirgi prezident Toqaevty usynýy múmkin.
Nur Otan – 1999 jyly QR Tuńǵysh prezidenti Nursultan Nazarbaevtyń bastamasymen qurylǵan "Otan" partiiasy. Partiianyń kóshbasshysy QR Tuńǵysh prezidenti Nursultan Nazarbaev bolyp tabylady.
"Otan" respýblikalyq saiasi partiiasynyń alǵashqy sezi 1999 jyly 1 naýryzda ótken bolatyn. Ol kezde ishinde kásipkerler, biýdjet salasynyń jáne memlekettik qyzmettiń qyzmetkerleri bar partiianyń 400 delegaty "Otan" partiiasynyń tóraǵasy etip Elbasy Nursultan Nazarbaevty biraýyzdan sailaǵan.
