«Nur Otan» partiiasynyń hatshysy Álibek Áldenei praimerizge qatysty týyndaǵan birqatar saýalǵa jaýap berdi, dep habarlaidy "Ult aqparat"
«Praimerizdiń úgit-nasihat kezeńi ótip jatqanyna bes kún boldy. Aldyn ala talqylap, usynystar engizý úshin óńirlerdiń sailaýaldy baǵdarlamalaryn qamtyǵan 216 joba jariialandy. Úmitkerler partiialastarymen onlain jáne betpe-bet kezdesýler ótkizip, belsendi túrde óz baǵdarlamalaryn usynýda. Munyń bári el azamattarynyń arasynda erekshe qyzyǵýshylyq týdyryp jatqany baiqalady. Biri úmitkerlerge sáttilik tilep, qoldaý bildirip jatsa, endi biri kúmándanyp, syn aitýda. Mundai belsendilik quptaityndai jaǵdai. Saiasattyń negizi – mámilegerlik. Túrli oi-pikirlerdiń tartysty básekesinde ǵana keleli oi, kemel ideialar týyndaidy. Muny saiasattyń, demokratiianyń shynaiy qaǵidasy der edim», - dep jazdy Álibek Áldenei Facebook-tegi paraqshasynda.
Partiia ókili praimerizge qatysty týyndap jatqan birqatar saýalǵa jaýap berdi. Aitýynsha, praimeriz – partiianyń ishki jumysy jáne ol «Nur Otan» partiiasynyń ishki qujattaryna negizdelgen. Elimizdegi kez kelgen saiasi partiia osy sekildi praimeriz ótkizýge quqyly.
«Qazirgi tańda praimeriz ótkizý tártibi qazaqstandyq zańnamada arnaiy bekitilmegen. Jalpy, bul – keń taralǵan halyqaralyq tájiribe. Aitalyq, Kanadada, Frantsiiada, Italiiada, Ońtústik Koreiada, Meksikada, Irlandiiada partiialar praimeriz ótkizýdiń mehanizmin, qaǵidalary men ádis-tásilin ishki qujattar negizinde ózderi ázirleidi. Praimerizdi qarjylandyrý máselesine taǵy da toqtala keteiin. Barlyq uiymdastyrý shyǵyndaryna partiianyń óz qarajaty jumsalady, onyń ishinde múshelik jarnadan túsken. Al úmitkerler úgit-nasihat jumystaryn óz qarjysyna uiymdastyrady. Ekinshiden, búginde «Nur Otan» partiiasy elimiz boiynsha 835 myńnan astam adamdy biriktirip otyr. Partiia ashyq ta jariialy básekede naǵyz joǵary deńgeili kandidattardy iriktep alýǵa múddeli. Biz partiialastarymyz úshin praimerizge qatysty barlyq rásimderdiń túsinikti ári qoljetimdi bolǵanyn qalaimyz. Eń bastysy, qatysýshylardyń báriniń múmkindigi teń bolýy tiis», - deidi ol.
Osy oraida Álibek Áldenei partiianyń jarǵysy men maqsat-mindetterine negizdelip praimeriz ótkizýdiń arnaiy erejeleri ázirlengenin jetkizdi. Ol aimaqtyq aktivterde jan-jaqty talqylaýlardan ótip, partiianyń Saiasi keńesinde daýys berý arqyly bekitilgen.
«Úshinshiden, pandemiiaǵa bailanysty praimerizde elektrondy daýys berý tártibi engizildi. Barlyq táýekelderdi saralai kele partiia quqyqtyq jáne tehnikalyq máselelerdi ońtailandyrdy. Banktegidei JSN men telefon nómirine bailanystyra otyryp SMS habarlama alý arqyly tekserý júiesi engizildi. Aqparattyq-kommýnikatsiia tehnologiialaryna basymdyq berilip otyr. Partiialastarmen kezdesý, debattar kóbine onlain formatta ótedi. Saqtyq úshin kúndelikti qolǵap, maska, antiseptikter qoldanylady. Is-sharalar jeldetiletin bólmelerde, áleýmettik ara qashyqtyqty saqtaý arqyly ótýde. Elimizdiń Bas sanitarlyq dárigeriniń maquldaýymen tiisti reglament qabyldandy. Tórtinshiden, partiiaishilik irikteý ótkizý kezinde partiiaǵa úgit-nasihat júrgizýge qandai da bir basymdyq berilip, sailaý zańnamasyna qaishy keletin jaittar jaily pikirler aitylýda. Bul quqyqtyq jaǵynan jańsaq pikir der edim. «QR sailaý týraly» zańynda kórsetilgen normalar, onyń ishinde BAQ-ta úgit-nasihat júrgizýge teńdei quqyq beretin talap memleket bekitken sailaý naýqany kezinde ǵana kúshine enedi. Ári onyń tártibi zańda anyq kórsetilgen. Bul másele jóninde QR Bas Prokýrorynyń orynbasary Marat Ahmetjanov 8 qyrkúiekte Ortalyq kommýnikatsiialar qyzmetinde ótken brifingte egjei-tegjeili túsindirip bergen bolatyn», - deidi ol.
Aqparat quraldary saiasi partiialardyń qyzmeti men basqa da máseleler jóninde olardyń saiasi belsendiligine, taqyryptardyń ózektiligi men óz aýditoriiasyn qyzyqtyratyn máselelerge qarai aqparattandyratyny anyq. Sol úshin partiialar tek sailaý kezinde emes, barlyq kezde de turaqty ári júieli jumys isteýi kerek.
«Praimeriz ótkizý arqyly «Nur Otan» keń aýqymda qoǵamdyq diskýssiia qura bildi. Búginde biliktiń zań shyǵarýshy jáne ókiletti organdarynyń tiimdiligin arttyrý máselesi óte ózekti bolyp otyr. Bul turǵyda elimizdegi jetekshi saiasi kúsh retinde «Nur Otan» partiiasynyń jańa kóshbasshylardy anyqtap, tyń ideialardy usynýǵa múmkindigi mol ekeni sózsiz. Praimerizge qatysyp jatqan adamnyń sany osyǵan naqty dálel bola alady. Kóptegen azamattar osy úshin partiia qataryna kirdi, onyń ishinde basqa partiiadan aýysqandary da bar. Praimerizdiń úgit-nasihat kezeńi áli úsh aptadan astam ýaqyt ótkiziletin bolady. Olar mazmundy ótip, qoǵam men naqty óńirler boiynsha ózekti máselelerdi talqylaýǵa múmkindik týǵyzady degen senimdemin», - dep jazdy ol.
Sondai-aq, partiia ókili Feisbýk arqyly óńirlerdiń sailaýaldy baǵdarlamasyn qamtyǵan 216 joba boiynsha belsendi túrde pikir bildirýge shaqyrdy (https://primaries.kz/page/programmy-regionov). Atalǵan jobalar árbir aýdan, qala, oblystyń aldaǵy bes jylǵa josparlanǵan damý baǵytyn aiqyndaidy.
