Nur Otan partiiasynyń Qaraǵandy filialynyń basshylyǵynda ózgerister oryn aldy. Tóraǵanyń birinshi orynbasary bolyp belgili qoǵam qairatkeri jáne metsenat Bekzat Altynbekov taǵaiyndaldy, dep habarlaidy QazAqparat.
Jańa basshyny filial tóraǵasy, Qaraǵandy oblysynyń ákimi Jeńis Qasymbek saiasi keńestiń keńeitilgen otyrysynda tanystyrdy.
«Nur Otan partiiasy filialynyń saiasi keńesiniń, sondai-aq Ortalyq apparattyń sheshimimen Bekzat Altynbekov oblystyq filial tóraǵasynyń birinshi orynbasary bolyp taǵaiyndaldy», - dedi Jeńis Qasymbek.
Osy qyzmetti toǵyz jyl boiy atqarǵan Qadisha Ospanova oblystyq máslihatqa jumysqa aýysty.
Ol áleýmettik-mádeni damý jáne halyqty áleýmettik qorǵaý jónindegi turaqty komissiianyń tóraiymy bolyp sailandy.
Jeńis Qasymbek Qadisha Ospanovaǵa atqarǵan jumysy úshin alǵys aityp, jańa salada tabys tiledi.
Bekzat Altynbekov 1973 jyly Qaraǵandy oblysynyń Aqtoǵai aýdanynda dúniege kelgen. Eńbek jolyn BAQ-ta bastaǵan, «Arqa eńbekkeri» gazetiniń tilshisi, Aqtoǵai aýdandyq radiostantsiianyń telejúrgizýshisi bolǵan. Sodan keiin kóp jyldar boiy bilim berý salasynda basshylyq laýazymdarda jumys istedi.
Eki ret Jezqazǵan qalalyq máslihatynyń depýtaty bolyp sailandy. Qazir Qaraǵandy oblystyq máslihatynyń depýtaty.
Tarih ǵylymdarynyń kandidaty. Bilim berý isiniń qurmetti qyzmetkeri. «Altyn júrek» ulttyq syilyǵynyń laýreaty.
2007 jyldyń maýsym aiynan beri Nur Otan partiiasynyń qatarynda.
