«Nur Otan»-nyń XX Sezi barysynda qabyldanǵan jarǵysyndaǵy ózgeristerdi Ádilet ministrligi tirkedi, dep habaraidy "Ult aqparat".
Elbasy, partiia Lideri Nursultan Nazarbaevtyń tapsyrmasyna sáikes Jarǵylyq qujatqa partiianyń partiiaishilik sailaý – praimeriz ótkizý týraly norma engizildi.
«Sezd qaýlysymen partiia jarǵysynyń 2.4-tarmaǵy endi mynadai mazmundaǵy tarmaqshamen tolyqtyryldy: praimerizdi – Qazaqstan Respýblikasy Parlamenti Májilisiniń, barlyq deńgeidegi máslihattardyń depýtattyǵyna kandidat etip usynýǵa úmitkerlerdi aldyn-ala partiiaishilik irikteýdi ótkizý», - delingen habarlamada.
Partiia baspasóz qyzmetiniń málimetinshe, Sezdiń qaýlysymen 2013 jyly qabyldanǵan saiasi doktrina «Nur Otan» partiiasynyń Saiasi tuǵyrnamasyna ózgertildi.
Partiianyń baspasóz qyzmeti habarlaǵandai, partiia jumysyn «qaita jandandyrýdy» eskere otyryp, Sezdiń qaýlysymen 2013 jyly qabyldanǵan Saiasi doktrina «Nur Otan» partiiasynyń Saiasi tuǵyrnamasy bolyp ózgertildi.
Esterińizge sala keteiik, «Nur Otan» partiiasynyń kezekten tys XX Sezi 25 qarashada ótip, onyń barysynda 2025 jylǵa deiingi «Ózgerister joly: ár azamatqa laiyqty ómir!» atty sailaýaldy baǵdarlama qabyldandy.
Sondai-aq, Sezd barysynda Parlament Májilisi sailaýyna 126 kandidattan turatyn partiialyq tizim bekitildi. Onyń ishinde 77 kandidat partiiaishilik praimeriz qorytyndysy boiynsha, 49 adam ortalyq partiialyq kvota boiynsha anyqtaldy.
Alǵash ret respýblikalyq partiiaishilik sailaý formatynda ótken «Nur Otan» partiiasynyń praimerizine 10 myńnan astam kandidat qatysty. Onyń qorytyndysy boiynsha 6253 adam «Nur Otan»-nyń barlyq deńgeidegi 216 máslihatqa arnalǵan partiialyq tizimderine endi. Osy oraida, partiiaǵa 42 myńnan astam jańa jaqtastar qosyldy. Olardyń 1000-nan astamy partiiaishilik sailaýǵa qatysyp, árbir 3-eýi «Nur Otan» partiiasynyń tizimine endi.
Praimeriz barysynda halyqtyń belsendi qatysýynyń arqasynda «Nur Otan» partiiasynyń 216 sailaýaldy óńirlik baǵdarlamasy talqylanyp, qabyldandy. Onda azamattardyń 20 myńnan astam usynysy eskerildi.
