«Nur Otan» partiiasy Astana qalalyq filialynyń kezekten tys XXVI konferentsiiasynda filialdyń jańa tóraǵasy sailandy, dep habarlaidy "Ult aqparat".
Delegattar bul qyzmetke Astana qalasynyń ákimi Baqyt Sultanovty taǵaiyndaý týraly usynysty biraýyzdan qoldady.
«Isekeshev Áset Órentaiuly basqa jumysqa aýysýyna bailanysty «Nur Otan» partiiasy Astana qalalyq filialynyń tóraǵasy qyzmetinen bosatylyp, Astana qalasynyń ákimi Sultanov Baqyt Turlyhanuly «Nur Otan» partiiasy Astana qalalyq filialynyń tóraǵasy qyzmetine taǵaiyndalsyn», - delingen konferentsiia qaýlysynda.
Sondai-aq, jańa ákim arnaiy qaýlymen «Nur Otan» partiiasy Astana qalalyq filialynyń Saiasi keńes quramyna qosyldy.
«Baqyt Turlyhanulynyń memlekettik qyzmette tájiribesi mol. Túrli laýazymdarda qyzmet etti. Endi mine, Memleket basshysynyń tapsyrmasymen ákim bolyp taǵaiydaldy. Bul úlken senimdi bildiredi. Ózimniń jáne áriptesterimniń atynan Baqyt Sultanovty astanalyq filialǵa - partiianyń eń úlgili filialyna tóraǵalyqqa kelýimen quttyqtaimyn», - dedi «Nur Otan» partiiasy tóraǵasynyń birinshi orynbasary Máýlen Áshimbaev.
