«Nur Otan» partiiasy janyndaǵy Sybailas jemqorlyqqa qarsy is-qimyl jónindegi respýblikalyq qoǵamdyq keńestiń tóraǵasy qyzmetine Omarhan Óksikbaev taǵaiyndaldy. Bul jaiynda atalǵan Partiia tóraǵasynyń birinshi orynbasary Baýyrjan Baibek Twitter-degi paraqshasynda jazdy, dep habarlaidy "Ult aqparat".
«Nur Otan» partiiasynyń Lideri N.Á. Nazarbaevtyń Qaýlysymen Omarhan Óksikbaev - partiia janyndaǵy Sybailas jemqorlyqqa qarsy is-qimyl jónindegi respýblikalyq qoǵamdyq keńestiń tóraǵasy, Pavel Kazantsev Partiialyq baqylaý komitetiniń tóraǵasy bolyp taǵaiyndaldy», - jep jazdy ol.
Sonymen qatar, Baýyrjan Baibek «Nur Otan» partiiasy fraktsiiasy depýtattarynyń kásibi biliktilikteri, tabandylyqtary, memlekettik jáne partiia jumysyndaǵy mol tájiribeleri atalǵan partiialyq organdardy kúsheitýge yqpal etetindigine senim bildirdi.
Óksikbaev Omarhan Nurtaiuly 1954 jyly 22 jeltoqsanda Almaty oblysy Balqash aýdany Kóktal aýylynda týǵan. Almaty halyq sharýashylyǵy institýtyn bitirip, Frantsiiada (Parijde) «Naryqtyq ekonomikadaǵy aýditorlyq qyzmet» mamandyǵy boiynsha bilim aldy. Ekonomika ǵylymdarynyń doktory. QR Prezidenti Ákimshiligi Bas baqylaý inspektsiiasynyń basshysy, QR Qaýipsizdik Keńesiniń hatshysy, Respýblikalyq biýdjettiń atqarylýyn baqylaý jónindegi esep komitetiniń tóraǵasy qyzmetterin atqarǵan. 2016 jylǵy 25 naýryz aiynan bastap – altynshy shaqyrylǵan Qazaqstan Respýblikasy Parlamenti Májilisiniń depýtaty, «Nur Otan» Halyqtyq-Demokratiialyq partiiasynyń múshesi. «Qurmet», «Parasat» ordenderimen medaldarmen marapattalǵan.
Pavel Olegovich Kazantsev 1960 jyldyń 22 naýryzynda Tomsk qalasynda dúnige kelgen. Altynshy shaqyrylǵan Qazaqstan Respýblikasy Parlamenti Májilisiniń depýtaty. Tselinograd injenerlik-qurylys institýtyn, F.E.Djerzinskii atyndaǵy KSRO MQK Joǵary mektebin bitirgen. Ár jyldary QR Tuńǵysh Prezidenti – Elbasy qorynyń damý boiynsha menedjeri, baǵdarlamalardy, is-sharalardy, syrtqy bailanystar men kommýnikatsiiany josparlaý qyzmetiniń jetekshisi, QR Kásipodaqtar federatsiiasy tóraǵasynyń orynbasary bolǵan. «Qurmet», «Eren eńbek úshin» medaldarymen marapattalǵan.
