Óz qyzmetin júieli túrde jańǵyrtý aiasynda elimizdegi jetekshi saiasi kúsh iri jobalarǵa kiristi. Solardyń biri «Shyǵarmashylyq itelligentsiiasymen jumys». Bul joba partiialyqtardyń ideiasymen jazýshylar, aitys aqyndary, jáne basqa da shyǵarmashylyq ókilderin qoldaýǵa baǵyttalǵan.
«Nur Otan» partiiasy Tóraǵasynyń Birinshi orynbasary Máýlen Áshimbaev «Rýhani jańǵyrý» baǵdarlamasyn iske asyrý jaiynda pikirlesý úshin ziialy qaýymmen kezdesti.
«Rýhan jańǵyrý» baǵdarlamasy – «Nur Otan» partiiasynyń ideologiialyq platformasy, bul jaily Memleket basshysy ótken Saiasi keńes otyrysynda atap aitqan bolatyn. Baǵdarlamanyń iske asý barysy partiianyń únemi baqylaýynda.
«Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda Memleket basshysy «Rýhani jańǵyrý» baǵdarlamysynyń qoǵamda úlken silkinis týdyryp, qoldaýǵa ie bolǵanyn atap ótti.
Elbasy baǵdarlamanyń mazmunyn baiyta otyryp, ary qarai jalǵastyrýdy tapsyrdy. Elbasy tapsyrǵan osy máseleni qoǵamda talqylaý úshin, partiialyqtar shyǵarmashylyq intelligentsiiasymen birlese otyryp, naqty jobalardy iske asyrýǵa múddeli.
Is-sharaǵa Ulyqbek Esdáýletov basqaryp otyrǵan Qazaqstan Jazýshylar odaǵy men onyń músheleri, qoǵam qairatkeri Myrzatai Joldasbekov, «Miras» respýblikalyq keńesiniń tóraǵasy Bekbolat Tileýhan, dramatýrg Tólen Ábdikov, aqyn Baýyrjan Qaraǵyzuly, jazýshy Aldan Smaiyl, májilismen Saýytbek Ábdirahmanov, partiia basshylyǵy men BAQ ókilderi qatysty.
Kezdesýde oblystarda «Rýhani jańǵyrý» baǵdarlamasynyń aiasynda qandai ister atqarylyp jatqandyǵy sóz boldy. Atap aitqanda, qazirgi zamanǵy jazýshylar men aqyndardyń shyǵarmashylyǵyn damytý baǵytynda ótkizilip jatqan sharalar tilge tiek etildi. Máýlen Áshimbaev «Nur Otan» partiiasynyń elimizdegi jetekshi saiasi kúsh retinde aqyndar men jazýshylardyń, dramatýrgterdiń shyǵarmashylyqtaryna qoldaý kórsetetindigine toqtaldy.
-Qoǵamdyq sananyń jańǵyrýy elimizdiń nátijeli damýynyń, ekonomikalyq jáne saiasi reformalardyń tabysty túrde júzege asýynyń kepili. Bul kúrdeli prtsess. Bul máselemen memlekettik oryndar ǵana ainalyspaýy kerek. Azamattyq qoǵam, ziialy qaýym, saiasi partiialar da óz úlesterin qosýy tiis, - dedi Máýlen Áshimbaev.
Osy maqsatta «Nur Otan» partiiasy men Qazaqstan Jazýshylar odaǵy yntymaqtastyq Memorandýmyna qol qoidy. Bul qujat negizinde, taraptar jas aqyn-jazýshylardy yntalandyrý maqsatynda ádebi baiqaý ótkizbek. Nátijesinde 5 nominatsiia boiynsha 15 jeńimpazǵa arnaiy júlde beriledi. Sondai-aq, «Rýhani jańǵyrý» baǵdarlamasy boiynsha «Astana» telearnasynda telejoba ashylmaq jáne de kovrking-ortalyqtarda jas qalamgerlermen kezdesý keshteri uiymdastyrylmaq. Tórtinshi joba boiynsha, YouTube áleýmettik jelisinde arnaiy kanal ashyp, kórermenderge tárbielik sipattaǵy kórkem dúnieler usyný jaily kelisimge keldi.
Máýlen Áshimbaev atalmysh Memorandým arqyly Memleket basshysynyń Qazaqstan halqyna Joldaýynda aitylǵan, elimizdiń mádeni damýyna úles qosatyn qosymsha mehanizmderdi jasaýǵa bolatynyn atap ótti.
