Nur Otan partiiasy tarihi Otanyna oralǵan qandastardyń máselesin sheshýge úles qosady, dep habarlaidy "Ult aqparat" «Otandastar qorynyń» baspasóz qyzmetine silteme jasap.
11 jeltoqsan kúni Nur-Sultan qalasynda «Nur Otan» partiiasy tóraǵasynyń birinshi orynbasary Baýyrjan Baibek pen «Otandastar qory» KEAQ prezidenti Nurtai Ábiqaev jáne Dúniejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov ózara yntymaqtastyq jónindegi memorandýmǵa qol qoidy. Osy hattamaǵa sáikes, «Nur Otan» partiiasy men «Otandastar qory» jáne Dúniejúzi qazaqtary qaýymdastyǵy áriptestik qatynasty óristetip, birlesken jobalardy júzege asyrady.
«Aldaǵy ýaqytta «Nur Otan» partiiasynyń qoǵamdyq qabyldaýlary men «Otandastar qorynyń» otandastardy aqparattyq qoldaý ortalyǵy arasyndaǵy úilestirý jumystaryn jetildire túsý kózdelip otyr. Aqparattyq qoldaý ortalyǵynyń quramyna biryńǵai bailanys ortalyǵy men front ofister kiredi. Qordyń biryńǵai bailanys ortalyǵy men qoǵamdyq qabyldaýy qandastarǵa qajetti normativti-quqyqtyq aktiler boiynsha aqparattyq jáne konsýltativtik keńes berip, týyndaǵan máselelerdiń oń sheshilýine naqty qoldaý kórsetedi. Front-ofister Dúniejúzi qazaqtary qaýymdastyǵymen birlesip, qolǵa alynǵan joba. Koll ortalyqtyń ashylǵan kúni 22 sáýirden beri 2640 qandasymyz qońyraý shalyp, habarlasty. Front-ofisterge 1587 qandasymyz qabyldaýǵa kelgen. Onda qandastarymyz QR azamattyǵyn alý, kórsetiletin memlekettik qoldaý sharalary, QR turýǵa ruqsat beretin yqtiiar hat, oralman mártebesin alý, shettegi qazaq diasporasymen bailanysty nyǵaitý máselelerin kótergen. Bul máselelerdiń barlyǵy derlik aqparattyq bailanys ortalyǵynyń tikelei yqpalymen tiisti mekemeler arqyly jedel sheshimin tapty» delingen habarlamada.
Aldaǵy ýaqytta osy qyzmetti odan ári tiimdi etý úshin «Nur Otan» partiiasynyń óńirlerdegi qoǵamdyq qabyldaýymen birlesip jumys júrgizý máseleleri qarastyrylmaq. Partiianyń qoǵamdyq komissiialary men keńesteri arqyly jergilikti ákimshilikterdiń qandastar kótergen máselelerdi ońtaily sheshýine kómektesýge, yqpal etýge bolady. Bul qandastarǵa kórsetiletin kómektiń sapasyn joǵary deńgeige kótere túspek.
«Nur Otan» partiiasynyń oblys ortalyqtary men qalalarda, aýdan ortalyqtarynda filialdary belsendi jumys isteidi. Buǵan qosa «Nur Otan» partiiasynyń qoǵamdyq saiasi institýty, «Jas Otan» jastar qanaty, Saiasi menedjment mektebi, NUR Media holdingi - ózindik tájiribesi qalyptasqan qurylymdar. Olardyń jurtshylyqpen kezdesetin jan-jaqty baǵyttaǵy jiyndar men kezdesýler,konferentsiialar ótkizetin, pikir almasatyn túrli alańdary men saraptamalyq taldaý ortalyqtary bar.
«Otandastar qory» ekijaqty yntymaqtastyqty damyta otyryp, osy alańdardy qandastarymyzdyń máselelerin talqylaýǵa, sheshýge tiimdi paidalanýǵa múddelilik tanytyp otyr.
