Nur Otan پارتيياسى تاريحي وتانىنا ورالعان قانداستاردىڭ مەسەلەسٸن شەشۋگە ٷلەس قوسادى, دەپ حابارلايدى "ۇلت اقپارات" «وتانداستار قورىنىڭ» باسپاسٶز قىزمەتٸنە سٸلتەمە جاساپ.
11 جەلتوقسان كٷنٸ نۇر-سۇلتان قالاسىندا «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك پەن «وتانداستار قورى» كەاق پرەزيدەنتٸ نۇرتاي ەبٸقاەۆ جەنە دٷنيەجٷزٸ قازاقتارى قاۋىمداستىعى تٶراعاسىنىڭ بٸرٸنشٸ ورىنباسارى زاۋىتبەك تۇرىسبەكوۆ ٶزارا ىنتىماقتاستىق جٶنٸندەگٸ مەموراندۋمعا قول قويدى. وسى حاتتاماعا سەيكەس, «Nur Otan» پارتيياسى مەن «وتانداستار قورى» جەنە دٷنيەجٷزٸ قازاقتارى قاۋىمداستىعى ەرٸپتەستٸك قاتىناستى ٶرٸستەتٸپ, بٸرلەسكەن جوبالاردى جٷزەگە اسىرادى.
«الداعى ۋاقىتتا «Nur Otan» پارتيياسىنىڭ قوعامدىق قابىلداۋلارى مەن «وتانداستار قورىنىڭ» وتانداستاردى اقپاراتتىق قولداۋ ورتالىعى اراسىنداعى ٷيلەستٸرۋ جۇمىستارىن جەتٸلدٸرە تٷسۋ كٶزدەلٸپ وتىر. اقپاراتتىق قولداۋ ورتالىعىنىڭ قۇرامىنا بٸرىڭعاي بايلانىس ورتالىعى مەن فرونت وفيستەر كٸرەدٸ. قوردىڭ بٸرىڭعاي بايلانىس ورتالىعى مەن قوعامدىق قابىلداۋى قانداستارعا قاجەتتٸ نورماتيۆتٸ-قۇقىقتىق اكتٸلەر بويىنشا اقپاراتتىق جەنە كونسۋلتاتيۆتٸك كەڭەس بەرٸپ, تۋىنداعان مەسەلەلەردٸڭ وڭ شەشٸلۋٸنە ناقتى قولداۋ كٶرسەتەدٸ. فرونت-وفيستەر دٷنيەجٷزٸ قازاقتارى قاۋىمداستىعىمەن بٸرلەسٸپ, قولعا الىنعان جوبا. كولل ورتالىقتىڭ اشىلعان كٷنٸ 22 سەۋٸردەن بەرٸ 2640 قانداسىمىز قوڭىراۋ شالىپ, حابارلاستى. فرونت-وفيستەرگە 1587 قانداسىمىز قابىلداۋعا كەلگەن. وندا قانداستارىمىز قر ازاماتتىعىن الۋ, كٶرسەتٸلەتٸن مەملەكەتتٸك قولداۋ شارالارى, قر تۇرۋعا رۇقسات بەرەتٸن ىقتييار حات, ورالمان مەرتەبەسٸن الۋ, شەتتەگٸ قازاق دياسپوراسىمەن بايلانىستى نىعايتۋ مەسەلەلەرٸن كٶتەرگەن. بۇل مەسەلەلەردٸڭ بارلىعى دەرلٸك اقپاراتتىق بايلانىس ورتالىعىنىڭ تٸكەلەي ىقپالىمەن تيٸستٸ مەكەمەلەر ارقىلى جەدەل شەشٸمٸن تاپتى» دەلٸنگەن حابارلامادا.
الداعى ۋاقىتتا وسى قىزمەتتٸ ودان ەرٸ تيٸمدٸ ەتۋ ٷشٸن «Nur Otan» پارتيياسىنىڭ ٶڭٸرلەردەگٸ قوعامدىق قابىلداۋىمەن بٸرلەسٸپ جۇمىس جٷرگٸزۋ مەسەلەلەرٸ قاراستىرىلماق. پارتييانىڭ قوعامدىق كوميسسييالارى مەن كەڭەستەرٸ ارقىلى جەرگٸلٸكتٸ ەكٸمشٸلٸكتەردٸڭ قانداستار كٶتەرگەن مەسەلەلەردٸ وڭتايلى شەشۋٸنە كٶمەكتەسۋگە, ىقپال ەتۋگە بولادى. بۇل قانداستارعا كٶرسەتٸلەتٸن كٶمەكتٸڭ ساپاسىن جوعارى دەڭگەيگە كٶتەرە تٷسپەك.
«Nur Otan» پارتيياسىنىڭ وبلىس ورتالىقتارى مەن قالالاردا, اۋدان ورتالىقتارىندا فيليالدارى بەلسەندٸ جۇمىس ٸستەيدٸ. بۇعان قوسا «نۇر وتان» پارتيياسىنىڭ قوعامدىق ساياسي ينستيتۋتى, «جاس وتان» جاستار قاناتى, ساياسي مەنەدجمەنت مەكتەبٸ, NUR Media حولدينگٸ - ٶزٸندٸك تەجٸريبەسٸ قالىپتاسقان قۇرىلىمدار. ولاردىڭ جۇرتشىلىقپەن كەزدەسەتٸن جان-جاقتى باعىتتاعى جيىندار مەن كەزدەسۋلەر,كونفەرەنتسييالار ٶتكٸزەتٸن, پٸكٸر الماساتىن تٷرلٸ الاڭدارى مەن ساراپتامالىق تالداۋ ورتالىقتارى بار.
«وتانداستار قورى» ەكٸجاقتى ىنتىماقتاستىقتى دامىتا وتىرىپ, وسى الاڭداردى قانداستارىمىزدىڭ مەسەلەلەرٸن تالقىلاۋعا, شەشۋگە تيٸمدٸ پايدالانۋعا مٷددەلٸلٸك تانىتىپ وتىر.
