Əleýmettik jelilerdegi tikelei efir barysynda «Nur Otan» partiiasy elordalyq filialy tóraǵasynyń birinshi orynbasary Erlan Kanalimov Elbasynyń bastamasy boiynsha naýryz aiynyń sońynda bastaý alǵan «Biz birgemiz» respýblikalyq aktsiiasynyń birinshi tolqynyn qorytyndylap, aktsiianyń ekinshi tolqyny jaily aitty.
Bul týraly "Ult aqparat" «Nur Otan» partiiasynyń baspasóz qyzmetine silteme jasap habarlaidy.
2 saǵattan astam ýaqyt ishinde 1000-nan astam suraq kelip tústi, olardyń basym bóligi «Birgemiz» qoǵamdyq qorynan tólenetin tólemderge, halyqtyń áleýmettik osal toptaryn azyq-túlik sebetterimen qamtamasyz etýge qatysty, sondai-aq kóptegen turǵyndar partiialyqtarǵa azyq-túlikti jinaý men tasymaldaýǵa qalai kómektesýge bolatynyn bildi.
«Elorda boiynsha azyq-túlik sebetin barlyǵy 11 myńǵa jýyq otbasy alady. Búgingi kúni quny 127 mln. teńge bolatyn 8472 jiyntyq taratyldy. Sondai-aq, turǵyndarǵa aktsiianyń ekinshi tolqyny bastalǵandyǵy týraly aittym, onyń aiasynda 28073 otbasyna 1,4 mlrd. teńge kóleminde kómek kórsetiledi.
Qarajatty aýdarý 2020 jyldyń 27 sáýirinde, dúisenbi kúninen, kelesi sanattar boiynsha bastalady: az qamtylǵan otbasylar, sonyń ishinde kópbalaly otbasylar (AÁK alýshylar)- 7593 adam, kómekke muqtaj múgedekter (1, 2 top jáne múgedektigi bar zeinetkerler, AÁK alýshylar)- 9391 adam, múgedek balany kútýdi júzege asyratyn tulǵalar (AÁK alýshylar)- 469 adam, zeinetkerler (eń tómengi jáne odan tómen zeinetaqy alatyn)- 10532 adam, jetimder - 42 adam, UOS qatysýshylary men UOS múgedekteri jáne olarǵa teńestirilgender – 8 adam, tyl eńbekkerleri – 38 adam»,-deidi «Nur Otan» partiiasy elordalyq filialy tóraǵasynyń birinshi orynbasary Erlan Kanalimov.
Sondai-aq, ol karantin bastalǵaly beri Nur-Sultan aýmaǵynda elordalyq partiia ókilderi 25 mln. teńgege 16 myń bótelke antiseptikter (blokpostar, meditsinalyq mekemeler, áleýmettik qorǵaý basqarmasy uiymdaryna, Qarttar úii, balalar úii jáne t. b.) taratylǵanyn aitty. 1,5 mln. danadan astam meditsinalyq maskalar halyqtyń áleýmettik osal toptaryna, sondai-aq meditsinalyq mekemelerge berilgen.
.jpeg)