Qaraǵandy oblystyq máslihatynyń depýtaty Bekzat Altynbekov «Nur Otan» partiiasynyń aldaǵy partiiaishilik irikteý dodasynyń ashyq, ádil ári joǵary básekelestik jaǵdaiynda ótetinine senim bildirdi, dep habarlaidy "Ult aqparat".
«Praimeriz «Nur Otan» partiiasynyń halyqtyq partiia ekenin kórsetetin shara dep bilemiz. Jergilikti jerlerde ony nasihattaý maqsatynda biz praimerizdiń qaǵidat-erejelerimen, maqsat-baǵyttarymen tolyq tanystyq. Qudai qalasa, partiiaishilik irikteý jumystary arqyly Parlament Májilisine, oblystyq, jergilikti máslihattarǵa eldiń sózin aita alatyn, halyqtyń oiynan shyǵatyn myqty azamattar barady dep kámil senemiz. Praimerizge qatysý arqyly ár azamat óziniń ustanymyn jetkize alady. Depýtat retinde aitsam, ókinishke qarai, aramyzda problemasyz aýylda ómir súrip jatqandai úni estilmeitin áriptesterimiz de bar. Solardyń ornyn el múddesin oilaityn azamattar basýy tiis», - deidi ol.
Sarapshylardyń aitýynsha, búgingi tańda álem elderinde praimerizdiń birneshe túri qalyptasqan. Atap aitsaq, ashyq, jabyq, aralas jáne baiqaý formatynda. Osyǵan deiin «Nur Otan» partiiasy saiasi dodalarda baiqaý nusqasyn qoldanyp kelgen. Mysaly, ashyq praimerizdi Resei, Argentina, Frantsiia, Italiia siiaqty elderde qoldanady. Jabyq praimeriz Kanada, Germaniia, Túrkiiada damyǵan. Qazaqstanda qoldanylǵaly jatqan praimerizdi klassikalyq sipattaǵy jabyq túri deýge taǵy bolmas. Sebebi ashyq praimerizdiń keibir elementteri otandyq formatqa engizilip, bul óz kezeginde eldegi jaǵdaiǵa ikemdelgen ári liberaldy-demokratiialyq sipatqa ie formaǵa ainalǵan. Partiiaǵa kirý joly jeńildetilgen. Árine, adam ózin bul dodaǵa erkin usyna alady. Biraq keiin partiiaǵa kirýi tiis. Azamat óz kandidatýrasyn usynǵan kúnnen keiin nebary 3 kúnde partiiaǵa qabyldana alady.
L.N.Gýmilev atyndaǵy EUÝ-dyń jýrnalistika jáne saiasattaný fakýlteti saiasattaný kafedrasynyń professory Natalia Kalashnikova bylai deidi:
«Reseidiń praimerizdi ashyq ótkizý tájiribesi bar. Árine, onda tehnikalyq ahaýlar men aqparattyq shabýyldar da boldy. Sol sebepten «Nur Otan» partiiasynyń praimerizdi jabyq túrde ótkizetini durys dep bilem. Biraq qoǵamdy dál osy «jabyq» sózi alańdatyp otyr. Osydan keiin «bári aldyn ala sheshilgen» degendei qańqý áńgime tarady. Sol sebepten «jabyq» sózin alyp tastaýymyz kerek. Óitkeni bul «Nur Otan» partiiasy engizdirip jatqan jańa trend, múldem jańa forma! Muny kóptegen saiasi partiialar zerttep jatyr. Maǵan bul ustanym jaqyn. Eń aldymen, biz doktorantýra, magistratýrada nátijelerdiń negizinde arnaiy kýrs engizemiz. Bul óte mańyzdy, sebebi saiasi mádeniet bolashaq saiasattanýshylarymyz úshin asa qajet. Endigi kezekte magistrlik, doktorlyq dissertatsiialyq jumystardyń jańa saiasi sailaý tehnologiiasyna baǵyt alary sózsiz», - deidi ol.
Qazaqstan halqy Assambleiasy Tóraǵasynyń orynbasary Sherzod Pýlatov praimeriz arqyly depýtattyqqa «múmkindigi men bilikte aǵa-kókesi bar adamdar» emes, naǵyz adal, elge jaqyn azamattar kelerine kámil senedi. Zań shyǵarýshy organdarǵa kásibi bilikti azamattar kóbirek tartylsa, qoǵamda narazylyq ta azaiýy tiis.
Aita keteiik, Qazaqstan halqy Assambleiasynyń belsendileri men músheleri «Nur Otan» partiiasynyń praimerizi jóninde Zoom-konferentsiiaǵa partiia hatshysy Álibek Áldenei, QHA músheleri Bella Gazdieva, Dmitrii Korepanov, Djamalail Elimhanov, Diliaram Abdimitova qatysty. Zoom konferentsiiany Nur-Sultan qalasynyń Túrik etnomádeni ortalyǵynyń tóraǵasy Ásker Piriev júrgizdi.
