Elordada «Nur Otan» partiiasy men Jazýshylar odaǵy Ózara yntymaqtastyq týraly memorandýmǵa qol qoiyp, onyń aiasynda alǵashqy shara – «Uly dala» respýblikalyq shyǵarmashylyq baiqaýyn ótkizý, elimizdiń mádenieti men ónerin damytý, ulttyq qundylyqtardy óristetý jaily isterdi birlese atqarý týraly ortaq bátýaǵa keldi. Qol qoiý rásimine Jazýshylar Odaǵynyń tóraǵasy, aqyn Ulyqbek Esdáýlet, jazýshy Álibek Asqarov, aqyndar Nesipbek Aituly, Dáýletkerei Kápuly syndy qalamgerler, Parlament Májilisiniń depýtattary, «Nur Otan» partiiasynyń basshylyǵy qatysyp, Memorandým sheńberinde alda atqarylatyn jobalardy pysyqtady.
Jiynda partiia Tóraǵasynyń birinshi orynbasary Baýyrjan Baibek eki uiymnyń memlekettik jáne ulttyq qundylyqtardy dáripteýde maqsattarynyń toǵysatyn tustary kóp ekenin alǵa tartty. Ol ekijaqty memorandýmǵa qol qoiyp, Elbasy qoiǵan mindetterdi birlese júzege asyrý josparlanyp otyrǵanyn jetkizdi.
«Biyl – elimiz úshin aishyqty jyl. Osy 30 jylda biz Qazaqstannyń Tuńǵysh Prezidenti – Elbasy Nursultan Ábishuly Nazarbaevtyń basshylyǵymen memlekettiligimizdiń irgesin bekitip, shekaramyzdy shegendedik, ishki-syrtqy damýdaǵy basty baǵyttarymyzdy aiqyndadyq. Memleket basshysy Qasym-Jomart Kemeluly Toqaevtyń basshylyǵymen saiasi-ekonomikalyq reformalar odan ári jalǵasyp jatyr. Eldiń damýy týraly aitqanda, áleýmettik-ekonomikalyq kórsetkishter ǵana emes, rýhaniiat máseleleri de udaiy nazarda bolýy tiis. Sebebi Táýelsizdiktiń basty qundylyqtaryn eksheitin, onyń mánin óskeleń urpaqqa jetkizetin – ádebiet pen óner ókilderi», – dedi Baýyrjan Baibek.
Onyń aitýynsha, Memorandýmǵa qol qoiýdaǵy basty maqsat – elimizdiń mádenietin damytý, eldiń intellektýaldyq óresin kóterip, estetikalyq talǵamyn ushtaý, sondai-aq, qazirgi zamanǵy jazýshylar men aqyndardyń shyǵarmashylyǵyn nasihattaý arqyly qazaq ádebietiniń jáne poeziiasynyń damýyn yntalandyrýǵa baǵyttalǵan birlesken is-sharalardy júzege asyrý.
Osy oraida partiia Tóraǵasynyń birinshi orynbasary Jazýshylar Odaǵymen birlese otyryp, jas jazýshylar men aqyndar arasynda ótetin biylǵy «Uly dala» baiqaýynyń máni men mazmunyna toqtaldy. Baiqaýdyń maqsaty – Táýelsizdiktiń alǵashqy 30 jylynda elimizdiń jetken jetistikterin, memleket irgesin bekitýdegi Qazaqstannyń Tuńǵysh Prezidenti – Elbasy Nursultan Ábishuly Nazarbaevtyń jasampaz rólin aishyqtaý jáne qoǵamdy rýhani jańǵyrtýdyń ideialary men qundylyǵyn kórsetetin qazirgi zamanǵy qazaqstandyq avtorlardyń shyǵarmalaryn qoldaý jáne nasihattaý.
Baiqaý «Proza», «Poeziia», «Dramatýrgiia», «Kórkem film men teleserial stsenariii»», «Balalarǵa arnalǵan shyǵarma» atty bes nominatsiia boiynsha ótkizilip, árqaisysy boiynsha 3 júldeli oryn anyqtalady.
Birinshi oryn (1 júlde) úshin – 1 000 000 teńge, ekinshi orynǵa (1 júlde) – 750 000 teńge, úshinshi orynǵa (1 júlde) – 500 000 teńge júlde belgilenip otyr.
Baiqaýǵa 18-den 40 jasqa deiingi aqyndar, jazýshylar, dramatýrgter men stsenarister qatysa alady.
Óz kezeginde Qazaqstan Jazýshylar Odaǵy basqarmasynyń tóraǵasy Ulyqbek Esdáýlet osyndai baiqaýlardyń «júzden júirik, myńnan tulpar» talanttardyń iriktelip, kópshilikke tanylýyna septesetinin alǵa tartty. Ol el ishindegi talanttardyń tanylýyn yntalandyryp, shyǵarmashylyqqa, ónerge, mádenietke udaiy qamqorlyq tanytatyn partiia basshylyǵyna jazýshylar qaýymynyń atynan rizashylyǵyn bildirdi.
«30 jylda bizdiń jetken jetistikterimiz, irkilisterimiz, jemisterimiz ben jeńisterimiz, daǵdarys pen kidiris deitin máselelerdi qalai eńserip, qalai jeńgenimiz, qandai biikterge shyqqanymyz sonyń barlyǵy tsifrlarda sairap jatqanynmen, olardy shyǵarmashylyq adamdarynyń júreginiń domnasynda qorytyp, obrazǵa orap, kórkem tilmen beinelep, halyqqa kórkem shyǵarma retinde usynyp jatsa, ol urpaqtardyń kóńili men júreginde máńgilik qalatyny sózsiz. Al Memorandým oiǵa alǵan isterdi zańdastyryp beretin qujat bolǵandyqtan, oǵan biz qýana qol qoiamyz. Baiqaýdyń erejesi de kóńilimizden shyǵyp otyr. Bes janr boiynsha bes nominatsiia belgilengen. Teleserial stsenariii boiynsha nominatsiia taǵaiyndaý buryn bolǵan emes. Budan bólek biylǵy jyl Prezidenttiń jarlyǵymen «Balalar men jasóspirimderdiń kitap oqýyn qoldaý jyly» bolyp jariialanǵanyn bilesizder. Osy oraida balalar ádebietine de arnaiy nominatsiianyń arnalyp otyrǵany óte quptarlyq. Balalar ádebieti osyndai qamqorlyqtyń arqasynda bir belesten asyp jatsa, dúniege balalar súiip oqityn shyǵarmalar, jańa klassika kelip jatsa, onda «Nur Otan» partiiasy men Jazýshylar odaǵynyń birlesken jobasynyń muratyna jetkeni», – dedi U.Esdáýlet.
Al «Uly dala» baiqaýy komissiiasynyń tóraǵasy, belgili jazýshy Álibek Asqarov osyndai shyǵarmashylyq baiqaýlardyń mańyzyna toqtalyp, oǵan túsken júzdegen shyǵarmanyń arasynan bir-eki úzdik týyndy anyqtalyp jatsa, onyń ózi rýhaniiatymyz úshin úlken jetistik sanalatynyn aitty.
Sodan keiin sóz alǵan Parlament Májilisiniń depýtaty, «Nur Otan» partiiasy janyndaǵy Respýblikalyq «Miras» qoǵamdyq keńesiniń tóraǵasy, aqyn Janarbek Áshimjan partiianyń «Ózgerister joly: Ár azamatqa laiyqty ómir!» sailaýaldy baǵdarlamasynda rýhaniiat pen mádenietke tiisti nazar aýdarylyp, birshama jobalar júzege asqanyn alǵa tartty.
«Respýblikalyq «Miras» keńesiniń osyǵan deiin eki jiyny ótti. Sol jiynda Úkimetke naqty 28 usynys berilgen. Olardyń qazir 25-i júzege asyp, sol boiynsha jumys istep jatyrmyz. Úsh usynysymyz boiynsha zańnamaǵa ózgerister kerek. Zań jobalary jeltoqsan aiynda kelip túsedi. Sol zańnamalarǵa ózgerister eńgizilgennen keiin, ásirese, dýbliajǵa qatysty máseleniń sheshimin tabamyz dep oilaimyn. Sondyqtan búgin Memorandýmnyń qabyldanýy erteń qoǵamda óziniń laiyqty baǵasyn alady jáne jańa nominatsiialardyń qosylýy bul zamanaýi kinoindýstriiaǵa, dýbliajǵa qatysty máselelerdiń sheshilýine septigin tigizedi», – dedi J.Áshimjan.
Osy oraida partiia Tóraǵasynyń birinshi orynbasary ziialy qaýymnyń qoǵamdyq ómirdegi belsendiligi óte joǵary ekenin atap ótti. Onyń aitýynsha, 2020 jyly partiia ótkizgen praimerizge respýblika boiynsha 350-den asa qalamger, pýblitsist, aitysker, jýrnalist qatysqan.
«Nur Otan» partiiasynyń sailaýaldy baǵdarlamasynyń aiasynda daiyndalǵan Jol kartasy boiynsha elimizde 2025 jylǵa deiin 259 mádeniet oshaǵy salynady, 1241 mádeni nysan jóndeýden ótkizilip, 150 nysanǵa ǵylymi restavratsiia jumystary júrgiziledi. Shet elderde «Abai» ortalyqtarynyń sany artady. Sondai-aq partiia 1500 mádeniet, óner jáne ǵylym qairatkerin jyl saiynǵy memlekettik áleýmettik tapsyrys aiasynda qoldaýdyń jáne qarajat bólýdiń ashyqtyǵyn qamtamasyz etedi. Taǵy bir jańalyq – biz biyldan bastap «Ulttyq Mura» partiialyq jobasyn bekitip, barlyq mádeni-ádebi sharalardy keshendi túrde atqarýǵa kiristik», - dedi Baýyrjan Baibek.
Eske sala keteiik, «Uly dala» baiqaýy 2019 jyly ótkizilip, oǵan 700-den astam shyǵarma túsken bolatyn. Olardyń ishinen 400 shyǵarma iriktelip, 5 nominatsiia boiynsha elimizdiń túkpir-túkpirinen talantty 15 jas qalamger júldeger atandy. Tek sońǵy bir jarym jylda koronavirýs pandemiiasynyń saldarynan biraz ádebi-mádeni jobalar toqtap qaldy.
Baiqaýdyń sharttary buqaralyq aqparat quraldarynda, partiianyń resmi saitynda jáne áleýmettik jelilerdegi resmi akkaýnttarynda, sondai-aq aikyn.kz saitynda, «Miras» partiialyq jobasynyń Facebook paraqshasynda jariialanady.
Baiqaýǵa qatysý úshin jumystardy qabyldaý 2021 jylǵy 1 qazan men 30 qarasha aralyǵynda júzege asyrylady. Kelip túsken jumystar aikyn.kz saitynda «Uly Dala» aidary aiasynda jariialanady. Jeńimpazdardy marapattaý rásimi Qazaqstan Respýblikasynyń Táýelsizdigi kúni qarsańynda Nur-Sultan qalasynda ótedi.
