«Nur Otan» partiiasy janyndaǵy Ekonomikalyq damý jáne kásipkerlikti qoldaý jónindegi qoǵamdyq keńestiń tóraǵasy Amanjan Jamalov Qarjy ministrligi biznesti tekserýge moratoriidi alyp tastaý týraly usynysymen Prezident tapsyrmasyn buzady dep sanaidy, - dep habarlaidy Tengrinews.kz.
Májilis depýtaty Amanjan Jamalov áleýmettik jelilerdegi paraqshasynda Qarjy ministrliginiń mikro jáne shaǵyn biznesti tekserýge moratoriidi alyp tastaý týraly usynysyna qatysty óz ustanymyn bildirdi. Jamalovtyń aitýynsha, moratoriidi Memleket basshysy 2023 jylǵa deiin tekserý qyzmetin qaita qaraý, jazadan aldyn alýǵa deiingi saiasatty qaita formattaý maqsatynda engizgen. Sonymen qatar, moratorii pandemiia bastalǵannan keiin shaǵyn biznesti qajetsiz ákimshilik qysymnan qorǵaýǵa kómektesti.
Jamalov ministrlik Prezident joldaýyn alǵa tartyp otyrǵanyn aitty.
"Qarjy ministri Prezidet joldaýynan salyq ákimshiligin qatańdatý sebebin qaidan tapty? Memleket basshysy jergilikti biznesti damytý, investitsiialar men salyq bazasyn ulǵaitý qajettigi týraly aitty. Eske salaiyn, 2021 jyly 15 qańtarda VII shaqyrylǵan Parlamenttiń birinshi sessiiasynyń ashylýynda sóilegen sózinde Prezident úkimetke shaǵyn jáne orta biznesti qoldaýǵa nazar aýdarýdy tapsyrdy. Salyqty qaita qaraý kodeksti jeńildetý, iskerlik belsendilik pen básekelestikti yntalandyrý turǵysynan", - dedi depýtat.
«Nur Otan» ókiliniń aitýynsha, ministrlik Memleket Basshysynyń tapsyrmasyn oryndamai, ózderi úshin tapsyrma oilap taýyp, sýbordinatsiiany buzǵan.
Aita keteiik, 2 qyrkúiekte Úkimet otyrysynda qarjy ministri Erulan Jamaýbaev shaǵyn biznesti tekserýge ruqsatty qaitaryp, 2019 jylǵy jeltoqsanda Prezident Qasym-Jomart Toqaev jarlyqpen engizgen moratoriidi alyp tastaýdy suraǵan bolatyn.
