Karantindik shekteýlerdi eskere otyryp, ministrlikter men vedomstvolardyń basshylary azamattardyń jeke qabyldaýlaryn onlain formatta ótkizedi, dep habarlaidy "Ult aqparat".
Sonymen, 2 sáýirde azamattardy qabyldaýdy Syrtqy ister ministriniń birinshi orynbasary Shahrat Nuryshev bastaidy. 7 sáýirde - Eńbek jáne halyqty áleýmettik qorǵaý birinshi vitse-ministri Akmadi Sarbasov, 8 sáýirde - Bas prokýrordyń orynbasary Erlik Kenenbaev, 9 sáýirde - Aqparat jáne qoǵamdyq damý ministri Aida Balaeva, 13 sáýirde - Qarjy ministri Erulan Jamaýbaev, 14 sáýirde - Aýyl sharýashylyǵy birinshi vitse-ministri Aidarbek Saparov, 16 sáýirde - Ádilet vitse-ministri Azamat Ámirǵaliev, 21 sáýirde - Bilim jáne ǵylym vitse-ministri Sholpan Karinova, 23 sáýirde - Densaýlyq saqtaý ministri Aleksei Tsoi, 28 sáýirde - Ishki ister ministriniń orynbasary Arystanǵani Zapparov jáne 30 sáýirde - Indýstriia jáne infraqurylymdyq damý birinshi vitse-ministri Qaiyrbek Óskenbaev azamattardy qabyldaidy.
Kezdesýge jazylý úshin:
1. Call-ortalyq: 8 800 080 4441 (Qazaqstan boiynsha qońyraý shalý tegin);
2. WhatsApp: 8 700 800 4441;
Aita ketý kerek, ótken jyly «Nur Otan» partiiasyna búkil el boiynsha 393,2 myńnan astam ótinish túsken. Sonymen qatar, sońǵy 5 jyl ishinde saiasi uiymǵa 1,2 million adam júgindi, onyń ishinde 423 myńnan astamy - onlain formatta. Onyń 92% oń sheshimin tapty, aqysyz konsýltatsiialar, zańdyq jáne basqa da kómek kórsetildi.
Taldaý kórsetkendei, halyqty negizinen áleýmettik qamsyzdandyrý - 30%, TKSh - 16%, turǵyn úi - 15%, eńbek daýlary - 14%, qurylys - 9%, bilim berý - 9%, meditsinalyq qyzmet - 7% máseleleri alańdatady.
Partiianyń baspasóz qyzmeti habarlaǵandai, «Halyqqa kómek» jobasy aiasynda Respýblikalyq qoǵamdyq qabyldaý bólmesinde zańgerlermen, advokattarmen, mediatorlarmen jáne notariýstarmen aqysyz konsýltativti onlain kezdesýler uiymdastyryldy. Oǵan tómende kórsetilgen telefon nómirleri arqyly jazylýǵa bolady.
Zańgerler - dúisenbi saǵat 10.00-den 13.00-ge deiin.
Advokattar - seisenbi jáne beisenbi saǵat 10.00-den 13.00-ge deiin.
Mediatorlar - sársenbi jáne juma kúnderi saǵat 10.00-den 13.00-ge deiin.
Notariýstar - juma kúni saǵat 15.00-den 17.00-ge deiin.
