Almaty turǵyny muqtaj adamdarǵa beriletin azyq-túlik sebetinde kei zattar jetispeitini týraly shaǵymdandy, dep habarlaidy "Ult aqparat".
Ritol F-B esimdi Facebook qoldanýshysy balalary tegin azyq-túlik paketin alǵanyn jazǵan. Biraq aitýynsha, onda keibir zattar jetispeidi. Sebebi ózi týra sondai gýmanitarlyq kómek paketterin jinaýǵa qatysyp, volonter bolǵan.
«Búgin balalarym azyq-túlik sebetin aldy. Biz jinaityn jinaqtan balalarǵa qant qosylǵan súttiń 1 bankasy, buqtyrylǵan ettiń 1 bankasy, 1 quty suiyq mai, Nur Otan partiiasynan gigienalyq zattar, sabyn, antiseptik jetispedi», - dedi ol.
«Nur Otan» partiiasy Almaty bólimshesi tóraǵasynyń orynbasary Stanislav Kankýrov shaǵym túsirgen bul adam volonter bolyp az ýaqyt jumys istegenin aitady. Keiin ol muqtaj adamdar qataryna jatqan soń osyndai sebet alǵan.
«Azyq-túlik sebeti birneshe jerden jinaqtalady. Ol jerde biýdjet qarajaty joq. Azyq-túlik jaǵyn qor toltyrady. Bul sebet qalalyq Áleýmettik ál-aýqat qory basqarmasymen kelisiledi», - dedi ol.
Stanislav Kankýrov budan bólek basqa demeýshilerden keletin sebetter de bar ekendigin aitty.
«Taǵy bir qor bizge 1000 sebet bóldi. Bul sebetter jinaqtalyp daiyn turǵandyqtan olar ashylmady. Adamdar shyn júrekten kómektesý úshin berip jatyr. Daiyn zatty ákelgen soń volonterler taratady. Múmkin kei taýarlar bolmaǵan shyǵar. Keibiri arzan bolýy múmkin. Al bizdiń qordan ketetin sebetter qatań baqylaýdan ótedi. Buǵan deiin bizge shaǵym túsken emes. Eger bir adamnan shaǵym tússe biz ony partiia baqylaýyna alyp, tekseretin bolamyz», - dedi ol.
