الماتى تۇرعىنى مۇقتاج ادامدارعا بەرٸلەتٸن ازىق-تٷلٸك سەبەتٸندە كەي زاتتار جەتٸسپەيتٸنٸ تۋرالى شاعىمداندى, دەپ حابارلايدى "ۇلت اقپارات".
ريتول ف-ب ەسٸمدٸ Facebook قولدانۋشىسى بالالارى تەگٸن ازىق-تٷلٸك پاكەتٸن العانىن جازعان. بٸراق ايتۋىنشا, وندا كەيبٸر زاتتار جەتٸسپەيدٸ. سەبەبٸ ٶزٸ تۋرا سونداي گۋمانيتارلىق كٶمەك پاكەتتەرٸن جيناۋعا قاتىسىپ, ۆولونتەر بولعان.
«بٷگٸن بالالارىم ازىق-تٷلٸك سەبەتٸن الدى. بٸز جينايتىن جيناقتان بالالارعا قانت قوسىلعان سٷتتٸڭ 1 بانكاسى, بۇقتىرىلعان ەتتٸڭ 1 بانكاسى, 1 قۇتى سۇيىق ماي, Nur Otan پارتيياسىنان گيگيەنالىق زاتتار, سابىن, انتيسەپتيك جەتٸسپەدٸ», - دەدٸ ول.
«Nur Otan» پارتيياسى الماتى بٶلٸمشەسٸ تٶراعاسىنىڭ ورىنباسارى ستانيسلاۆ كانكۋروۆ شاعىم تٷسٸرگەن بۇل ادام ۆولونتەر بولىپ از ۋاقىت جۇمىس ٸستەگەنٸن ايتادى. كەيٸن ول مۇقتاج ادامدار قاتارىنا جاتقان سوڭ وسىنداي سەبەت العان.
«ازىق-تٷلٸك سەبەتٸ بٸرنەشە جەردەن جيناقتالادى. ول جەردە بيۋدجەت قاراجاتى جوق. ازىق-تٷلٸك جاعىن قور تولتىرادى. بۇل سەبەت قالالىق ەلەۋمەتتٸك ەل-اۋقات قورى باسقارماسىمەن كەلٸسٸلەدٸ», - دەدٸ ول.
ستانيسلاۆ كانكۋروۆ بۇدان بٶلەك باسقا دەمەۋشٸلەردەن كەلەتٸن سەبەتتەر دە بار ەكەندٸگٸن ايتتى.
«تاعى بٸر قور بٸزگە 1000 سەبەت بٶلدٸ. بۇل سەبەتتەر جيناقتالىپ دايىن تۇرعاندىقتان ولار اشىلمادى. ادامدار شىن جٷرەكتەن كٶمەكتەسۋ ٷشٸن بەرٸپ جاتىر. دايىن زاتتى ەكەلگەن سوڭ ۆولونتەرلەر تاراتادى. مٷمكٸن كەي تاۋارلار بولماعان شىعار. كەيبٸرٸ ارزان بولۋى مٷمكٸن. ال بٸزدٸڭ قوردان كەتەتٸن سەبەتتەر قاتاڭ باقىلاۋدان ٶتەدٸ. بۇعان دەيٸن بٸزگە شاعىم تٷسكەن ەمەس. ەگەر بٸر ادامنان شاعىم تٷسسە بٸز ونى پارتييا باقىلاۋىنا الىپ, تەكسەرەتٸن بولامىز», - دەدٸ ول.
