Elorda dúkenderiniń birine mas adam qaraqshylyq shabýyl jasady, - dep habarlaidy "Ult aqparat".
Oqiǵa búgin tańǵy saǵat 07.08-de bolǵan. Politsiianyń «102» arnasyna Gogol kóshesindegi dúkenge qaraqshylyq shabýyl jasalǵany týraly habarlama kelip túsedi.
Belgisiz er adam dúkenge kirip, satýshynyń birin pyshaqpen qorqytyp, syrtqa shyǵaryp jibergen. Ishte qalǵan taǵy bir satýshyǵa pyshaq kezengen er adam dúkenniń kiltin talap etken. Kúdikti dúkendi ishten jaýyp jatqanda satýshy dabyl túimesin basyp úlgeredi.
Habar kelgen boida politsiia qyzmetkerleri, jedel meditsinalyq járdem men tótenshe jaǵdai ókilderi oqiǵa ornyna attanady.
«Dúken jeke turǵan eki qabatty ǵimarattyń birinshi qabatynda ornalasqan bolatyn. Politseiler jaǵdaidy baǵalap, er adammen kelissóz júrgize bastady. Ol ózin óte dóreki minez kórsetti jáne mas ekeni kórinip turdy. Kúdikti qolyndaǵy as úi pyshaǵymen ózin jáne satýshyny jaraqattaimyn dep qorqytty. Kelissóz birneshe minýtqa sozyldy, óitkeni satýshynyń ómirine qaýip tónip turǵan edi. Bul kezde politsiianyń arnaiy jasaǵy dúkenge ekinshi kireberisten kirip jatqan. Kúdikti kelissózge ainalǵan kezde satýshy onyń qolynan bosap úlgerdi. Osy kezde politseiler kúdiktini qolǵa túsirdi. 31 jastaǵy jigit oqiǵa arasynda keýdesin pyshaqpen jaralap úlgerdi. Oǵan alǵashqy meditsinalyq kómek kórsetilip, aýrýhanaǵa jetkizildi», - dep jazady Nur-Sultan qalasy politsiia departamentiniń baspasóz qyzmeti.
Atalǵan oqiǵa boiynsha qylmystyq is qozǵalyp jatyr.
