Ishki ister ministrliginiń ákimshilik politsiia komiteti jelide avtokólik nómirlerine qatysty taraǵan aqparattyń jalǵan ekenin habarlady, dep jazady Sputnik.
Jelide avtokóliktiń memlekettik tirkeý nómirlerine qatysty tarap jatqan aqparat qazaqstandyqtardy shýlatty. Onda qosymsha aqsha tólep, KZ-tiń ornyna NUR simvoldary jazylǵan memlekettik nómir belgisin satyp alýǵa bolatyny jaily jazylǵan.
"Bul úshin mamandandyrylǵan halyqqa qyzmet kórsetý ortalyǵyna júginip, ótinish berip, 5700% AEK (143 925 teńge) mólsherinde memlekettik baj tóleý kerek. Eske salamyz, bul nómirlerdiń ádemilikten basqa artyqshylyǵy joq", - delingen habarlamada.
