Kollaj: Tengrinews.kz
Saltanat Núkenovanyń máiitine 12 saraptama taǵaiyndaldy. Bul týraly Ádilet ministrliginiń resmi ókili Talǵat Ýáli málim etti, dep habarlaidy Kazinform agenttigi.
«Qýandyq Bishimbaevtiń isine qatysty aitar bolsaq, Saltanat Núkenovanyń máiitine saraptama jasaý týraly qylmystyq is aiasynda material kelip túskeni ras. Onyń qalai qaitys bolǵanyna qatysty mán-jaidy aita almaimyz. Qylmystyq is aiasynda 12 túrli saraptama taǵaiyndaldy. Onyń qorytyndysy shyǵarylyp, quzyrly organdarǵa jiberildi. Bireýi osy aptada aiaqtalady. Al 12-shi saraptama kúni keshe ǵana kelip tústi.
Zańnamada bekitilgen tártipke sáikes, otyz kúntizbelik kúnde saraptama ótkizilýi tiis. Qorytyndylary Ishki ister ministrligine joldanady», - dedi Talǵat Ýáli.
Eske salaiyq, 9 qarashada Astanadaǵy Baý meiramhanasynda burynǵy Ulttyq ekonomika ministri Qýandyq Bishimbaev óziniń jubaiyn soqqyǵa jyqqan. Áiel jedel járdem kelgenshe kóz jumǵan.
Keiin Ishki ister ministrligi Qýandyq Bishimbaevtyń ustalǵanyn rastady.
Elorda politsiia departamenti QR Qylmystyq kodeksiniń 99-baby 1-bóligi boiynsha tergeý amaldaryn bastady.
11 qarashada Astana qalasynyń mamandandyrylǵan aýdanaralyq tergeý soty kúdikti Qýandyq Bishimbaevti 2 aiǵa qamaýǵa alý sharasyn sanktsiialady.
12 qarashada kisi ólimi bolǵan «Gastro-Ortalyq» meiramhanasynyń direktory ustaldy.
15 qarashada ótken keńeste Prezident IIM-ge Bishimbaevtiń isin erekshe baqylaýǵa alýdy tapsyrdy.
