كوللاج: Tengrinews.kz
سالتانات نٷكەنوۆانىڭ مەيٸتٸنە 12 ساراپتاما تاعايىندالدى. بۇل تۋرالى ەدٸلەت مينيسترلٸگٸنٸڭ رەسمي ٶكٸلٸ تالعات ۋەلي مەلٸم ەتتٸ, دەپ حابارلايدى Kazinform اگەنتتٸگٸ.
«قۋاندىق بيشٸمباەۆتٸڭ ٸسٸنە قاتىستى ايتار بولساق, سالتانات نٷكەنوۆانىڭ مەيٸتٸنە ساراپتاما جاساۋ تۋرالى قىلمىستىق ٸس اياسىندا ماتەريال كەلٸپ تٷسكەنٸ راس. ونىڭ قالاي قايتىس بولعانىنا قاتىستى مەن-جايدى ايتا المايمىز. قىلمىستىق ٸس اياسىندا 12 تٷرلٸ ساراپتاما تاعايىندالدى. ونىڭ قورىتىندىسى شىعارىلىپ, قۇزىرلى ورگاندارعا جٸبەرٸلدٸ. بٸرەۋٸ وسى اپتادا اياقتالادى. ال 12-شٸ ساراپتاما كٷنٸ كەشە عانا كەلٸپ تٷستٸ.
زاڭنامادا بەكٸتٸلگەن تەرتٸپكە سەيكەس, وتىز كٷنتٸزبەلٸك كٷندە ساراپتاما ٶتكٸزٸلۋٸ تيٸس. قورىتىندىلارى ٸشكٸ ٸستەر مينيسترلٸگٸنە جولدانادى», - دەدٸ تالعات ۋەلي.
ەسكە سالايىق, 9 قاراشادا استاناداعى باۋ مەيرامحاناسىندا بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ ٶزٸنٸڭ جۇبايىن سوققىعا جىققان. ەيەل جەدەل جەردەم كەلگەنشە كٶز جۇمعان.
كەيٸن ٸشكٸ ٸستەر مينيسترلٸگٸ قۋاندىق بيشٸمباەۆتىڭ ۇستالعانىن راستادى.
ەلوردا پوليتسييا دەپارتامەنتٸ قر قىلمىستىق كودەكسٸنٸڭ 99-بابى 1-بٶلٸگٸ بويىنشا تەرگەۋ امالدارىن باستادى.
11 قاراشادا استانا قالاسىنىڭ مامانداندىرىلعان اۋدانارالىق تەرگەۋ سوتى كٷدٸكتٸ قۋاندىق بيشٸمباەۆتٸ 2 ايعا قاماۋعا الۋ شاراسىن سانكتسييالادى.
12 قاراشادا كٸسٸ ٶلٸمٸ بولعان «گاسترو-ورتالىق» مەيرامحاناسىنىڭ ديرەكتورى ۇستالدى.
15 قاراشادا ٶتكەن كەڭەستە پرەزيدەنت ٸٸم-گە بيشٸمباەۆتٸڭ ٸسٸن ەرەكشە باقىلاۋعا الۋدى تاپسىردى.
