Notariattyq qupiia uǵymy aiqyndalyp, ony saqtaýǵa mindetti adamdar toby bekitildi. Bul týraly notariat salasyndaǵy negizgi jańalyqtardy túsindirý barysynda QR Ádilet vitse-ministri Azamat Ámirǵaliev málim etti, dep habarlaidy "Ult aqparat".
«Endi azamattar men zańdy tulǵalardyń ókilderi óteýli negizde jáne notariattyq is-áreketterge bailanysty emes quqyqtyq sipattaǵy basqa da máseleler boiynsha notariýstardyń konsýltatsiialaryn alýǵa quqyly», - dedi vitse-ministr Ortalyq kommýnikatsiialar qyzmetinde.
Osy oraida ol notariattyq qupiia uǵymy anyqtalǵanyn, sonymen qatar ony saqtaýǵa mindetti adamdar toby belgilengendigin atap ótti.
«Shaǵymdardy respýblikalyq deńgeide qaraityn organ zańdy túrde bekitildi. Endi jergilikti jerlerdegi tártiptik komissiialardyń sheshimderimen kelispegen jaǵdaida azamattarǵa jańadan qurylǵan organǵa shaǵymdanýǵa múmkindik berildi», - dedi Azamat Ámirǵaliev.
