Norvegiialyq Borge Ýsland pen OAR týmasy Maik Hornnyń Soltústik poliýske jasaǵan ekspeditsiiasy sátti aiaqtaldy, dep habarlaidy "Ult aqparat" VVS-ge silteme jasap.
Ekspeditsiia qyrkúiektiń aiaǵynda bastaldy. Zertteýshiler poliar túninde muzdyń betimen 1800 shaqyrym júrip ótti. Ekspeditsiianyń maqsaty – Arktika muzdarynyń erýi týraly aqparattar jinaý. Ǵalymdar bul qubylysty jahandyq jylynýmen bailanystyryp otyr.
Zertteý jumystary qarashanyń ortasynda aiaqtalýy tiis edi, alaida Ýsland pen Horn aýa temperatýrasynyń qubylýy men jyljymaly muzdarǵa bailanysty kesteden qalyp qoidy.
Juma kúni olardyń tamaǵy bitýi kerek edi, olarǵa norvegiialyq zertteýshiler Bengt Rotmo men Aleksandr Gamme kómekke keldi. Barlyǵy birge «Lans» zertteý kemesine deiin jetti.
Sapar uiymdastyrýshysy Lars Ebbesen spýtniktik bailanys arqyly eki toppen de habarlasyp otyrdy. Ol juma kúni Bi-bi-sige Horn men Ýslandtyń tikushaqpen evakýatsiiadan bas tartqanyn, biraq norvegiialyqtarmen kezdesýge keliskenin málimdedi. Olardyń azyq-túligi bitip jatqan, al jel kúnnen kúnge kúsheie túsken. Daýyl saldarynan bailanys úzilse, olar ash qalyp qoiýshy edi.
Ýsland pen Horn 23 qyrkúiekte muz ústindegi saparyn bastady. Olarǵa -40°C-tan +2°C-qa deiingi aralyqtaǵy aýa temperatýrasynyń birden ózgerýi kedergi keltirgen. Zertteýshiler buǵan jahandyq jylyný sebep dep tujyrymdaidy
Jyljymaly muzdar saiahatshylardy artqa qarai alyp ketip, sapardy uzartyp jibergen. Kei jerlerde muz qabaty ádettegiden juqa bolǵan. Horn bir ret sýǵa qulap ketip, qoly men murnyn ústirip alǵan. Hornnyń aitýynsha, eki zertteýshi de qatty júdep, saiahat kezinde sharshaǵan.
Ýsland - 57, Horn – 53 jasta. Olar 2006 jyly Soltústik Poliýske qysta mehanikalyq kóliksiz barǵan alǵashqy adamdar bolyp sanalady.
