نورۆەگييالىق بورگە ۋسلاند پەن وار تۋماسى مايك حورننىڭ سولتٷستٸك پوليۋسكە جاساعان ەكسپەديتسيياسى سەتتٸ اياقتالدى, دەپ حابارلايدى "ۇلت اقپارات" ۆۆس-گە سٸلتەمە جاساپ.
ەكسپەديتسييا قىركٷيەكتٸڭ اياعىندا باستالدى. زەرتتەۋشٸلەر پوليار تٷنٸندە مۇزدىڭ بەتٸمەن 1800 شاقىرىم جٷرٸپ ٶتتٸ. ەكسپەديتسييانىڭ ماقساتى – اركتيكا مۇزدارىنىڭ ەرۋٸ تۋرالى اقپاراتتار جيناۋ. عالىمدار بۇل قۇبىلىستى جاھاندىق جىلىنۋمەن بايلانىستىرىپ وتىر.
زەرتتەۋ جۇمىستارى قاراشانىڭ ورتاسىندا اياقتالۋى تيٸس ەدٸ, الايدا ۋسلاند پەن حورن اۋا تەمپەراتۋراسىنىڭ قۇبىلۋى مەن جىلجىمالى مۇزدارعا بايلانىستى كەستەدەن قالىپ قويدى.
جۇما كٷنٸ ولاردىڭ تاماعى بٸتۋٸ كەرەك ەدٸ, ولارعا نورۆەگييالىق زەرتتەۋشٸلەر بەنگت روتمو مەن الەكساندر گاممە كٶمەككە كەلدٸ. بارلىعى بٸرگە «لانس» زەرتتەۋ كەمەسٸنە دەيٸن جەتتٸ.
ساپار ۇيىمداستىرۋشىسى لارس ەببەسەن سپۋتنيكتٸك بايلانىس ارقىلى ەكٸ توپپەن دە حابارلاسىپ وتىردى. ول جۇما كٷنٸ بي-بي-سيگە حورن مەن ۋسلاندتىڭ تٸكۇشاقپەن ەۆاكۋاتسييادان باس تارتقانىن, بٸراق نورۆەگييالىقتارمەن كەزدەسۋگە كەلٸسكەنٸن مەلٸمدەدٸ. ولاردىڭ ازىق-تٷلٸگٸ بٸتٸپ جاتقان, ال جەل كٷننەن كٷنگە كٷشەيە تٷسكەن. داۋىل سالدارىنان بايلانىس ٷزٸلسە, ولار اش قالىپ قويۋشى ەدٸ.
ۋسلاند پەن حورن 23 قىركٷيەكتە مۇز ٷستٸندەگٸ ساپارىن باستادى. ولارعا -40°C-تان +2°C-قا دەيٸنگٸ ارالىقتاعى اۋا تەمپەراتۋراسىنىڭ بٸردەن ٶزگەرۋٸ كەدەرگٸ كەلتٸرگەن. زەرتتەۋشٸلەر بۇعان جاھاندىق جىلىنۋ سەبەپ دەپ تۇجىرىمدايدى
جىلجىمالى مۇزدار ساياحاتشىلاردى ارتقا قاراي الىپ كەتٸپ, ساپاردى ۇزارتىپ جٸبەرگەن. كەي جەرلەردە مۇز قاباتى ەدەتتەگٸدەن جۇقا بولعان. حورن بٸر رەت سۋعا قۇلاپ كەتٸپ, قولى مەن مۇرنىن ٷستٸرٸپ العان. حورننىڭ ايتۋىنشا, ەكٸ زەرتتەۋشٸ دە قاتتى جٷدەپ, ساياحات كەزٸندە شارشاعان.
ۋسلاند - 57, حورن – 53 جاستا. ولار 2006 جىلى سولتٷستٸك پوليۋسكە قىستا مەحانيكالىق كٶلٸكسٸز بارعان العاشقى ادامدار بولىپ سانالادى.
