Norvegiianyń densaýlyq saqtaý organdary koronavirýspen kúreske tas-túiin daiyn otyr. Olar bul indet erte me, kesh pe, Norvegiiaǵa da kelýi múmkin ekendigin aitady.
Mundai málimdeme Koroldiktiń Qoǵamdyq densaýlyq saqtaý institýtynda jasaldy, dep habarlaidy QazAqparat.
Institýt professory Preben Ovitslandtyń aitýynsha, álem jańa virýspen qalai kúresý kerektigin bilmeidi. Al sozylmaly aýrýlary bar adamdardyń indetten mert bolý qaýpi deni saý adamdarǵa qaraǵanda óte joǵary. Soǵan qaramastan norvegiialyqtar indettiń qaýip týdyra qoimaitynyna senimdi. Qazirgi ýaqytta Qytaidan kelgen norvegter men Norvegiiadaǵy qytailyq týrister, jalpy 75 adam virýstyń bar-joǵyn anyqtaityn testten ótip, eshqaisysynan indet belgileri tabylmady. Sonymen birge, Norvegiia SIM qytailyq Hýbei provintsiiasyna jáne jalpy Qytaiǵa barýdan bas tarta turǵan durys dep esepteidi.
Norvegiia biligi azamattardyń Gonkong pen Makao, qytailyq Taibeidiń arnaiy ákimshilik aýdandaryna barýyna qarsy emes.
