2021 jyldyń qańtar-aqpanynda ,14 mlrd tekshe metr kóleminde gaz óndirildi. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«2021 jylǵy qańtar-aqpan ailarynyń qorytyndysy boiynsha 9,14 mlrd tekshe metr kóleminde gaz óndirildi. Bul esepti kezeńniń josparymen salystyrǵanda 100,8 paiyzdy quraidy. Taýarlyq gazdy ishki tutyný kólemi 4,55 mlrd tekshe metrge jetti, jospar 107,3 paiyz oryndaldy. Suiytylǵan munai gazyn óndirý kólemi 520 myń tonna, jospar 100 paiyz oryndalyp otyr. Eksportqa shyǵarylǵan gaz kólemi 1,38 mlrd tekshe metrdi qurap, jospardyń oryndalýy 122 paiyzǵa jetti», - dedi 2021 jyldyń qańtar-aqpanynda eldiń áleýmettik-ekonomikalyq damýy jaiynda baiandaǵan ministr.
Sonymen qatar ol qańtar-aqpanda 2 mln tonna munai ónimderi óndirilgenin, jospar 94,4 paiyzdy quraǵanyn atap ótti. Onyń ishinde avtobenzin boiynsha kórsetkish 790 myń tonnaǵa jetti. Bul jospardyń 93,5 paiyzyna teń. Óndirilgen dizel otynynyń kólemi - 680 myń tonna. Jospar 85,2 paiyzǵa oryndaldy. 70 myń tonna áýe otyny óndirildi.bul jospardyń 91 paiyzyn quraidy.
«Esepti kezeńde munai ónimderin óndirý kóleminiń jospardan tómen bolýy, budan buryn baiandaǵanymdai, osy jyldyń qańtar aiynda Atyraý munai óńdeý zaýytynda elektr energiiasyn jetkizýde irkilis (aqaý) paida bolǵannan oryn alǵan bolatyn. Bul jaǵdai, óz kezeginde, katalikalyq kreking jáne reforming qondyrǵylarynyń isten shyǵýyna alyp keldi. Qazirgi tańda atalǵan zaýytta jóndeý jumystary júrgizilýde. Bul rette munai óńdeý jáne munai ónimderin óndirý kóleminiń tómendegenine qaramastan, ishki naryqtaǵy munai ónimderiniń qory jetkilikti», - dedi Nurlan Noǵaev.
Onyń dereginshe, 5 naýryzdaǵy jaǵdai boiynsha elimizdi 20 táýlik qamtamasyz etýge jetkilikti 218,7 myń tonna benzin, 28 táýlikke jetetin 306,2 myń tonna dizel otyny bar.
