Belgili jazýshy, dramatýrg Dýlat Isabekovtiń shved tiline aýdarylǵan shyǵarmalar jinaǵy oqyrmanǵa jol tartty, dep habarlaidy "Ult aqparat".
Gün Publishing House jáne Hertfordshire Press atty shved baspasy qazaq jazýshysynyń shyǵarmalaryn «Brännande Sol, Isande Vind, Levande Stäpp» (Ot úrlegen kún, Muz búrikken jel, Jandy dala) degen atpen aýdarý jumysyn 2019 jyly bastaǵan bolatyn.
Baspa mamandary aýdarmanyń mazmunymen birge kitap muqabasynyń kórnekti ári sapaly bolýyna da kóp kúsh salynǵanyn aitady.
Sonyń arqasynda kitap tek Shvetsiiaǵa emes, London arqyly búkil Eýraziiadaǵy shvedtildi oqyrmandarǵa taratylmaq.
Jazýshy, dramatýrg, QR Memlekettik syilyǵynyń birinshi laýreaty Dýlat Isabekovtiń dramalyq shyǵarmalary Londondaǵy Eýraziia shyǵarmashylyq Gildiiasynyń qoldaýymen qurlyqtaǵy birneshe elde sahnalanyp júr.
2022 jyly bul elderdiń tizimine Aýstraliia da enbekshi.
«Brännande Sol, Isande Vind, Levande Stäpp» kitabyna jazýshynyń «Gaýhar tas», «Súiekshi», «Dermene», «Ókpek jolaýshy», «Biz soǵysty kórgen joqpyz» siiaqty bes tanymal povesi men «Qabylan» jáne «Tynyshtyq kúzetshisi» atty áńgimeleri kirgen.
Bul rette «Ókpek jolaýshy» povesiniń Londonda sahnalanǵanyn aita ketý kerek.
Kitapty shved tiline Nobel syilyǵynyń laýreaty, Shved koroldik Ǵylym akademiiasynyń akademigi, Amerika ǵylym jáne óner akademiiasynyń múshesi Bengt Samýelson aýdarǵan.
Kitaptyń promo-prezentatsiiasy byltyr Londondaǵy Oebf 2020 ádebi festivaliniń aiasynda ótken bolatyn. Al resmi tusaýkeserin biyl Qazaqstannyń Stokgolmdaǵy Elshiligimen birlesip ótkizý josparlanyp otyr. Sharada shved akademikteri men diplomattary qatysyp, kitap týraly retsenziialaryn usynbaqshy.
Kitaptyń onlain nusqasyn Discovery Bookshop resmi saitynan satyp alýǵa bolady.
