QR Qarjy ministri Baqyt Sultanov Aqordada Elbasynyń tóraǵalyǵymen ótip jatqan QR Úkimetiniń keńeitilgen otyrysynda elimizdiń qarjylyq jaǵdaiy týraly esep berdi, dep habarlaidy "Ult aqparat" BNews.kz portalyna silteme jasap.
«Eseptik kezeńde memlekettik biýdjettiń (transfertsiz) tabysy tolyǵymen oryndaldy. Jospardan 25% asty, bul – 800 mlrd teńgeden astam qarajat. 4 trln teńgeden astam qarjy tústi, bul ótken jylǵy 8 aidan 1,2 trln teńge, shamamen 40%-ǵa kóp», - dedi ministr.
Sondai - aq, qarjy ministri baiandamasynda elimizde júrgizilip jatqan Jariia etý aktsiiasyna toqtaldy.
«Biylǵy jyldyń 1 qyrkúieginde 2,3 trln teńge qarjy zańdastyryldy. Olardyń 800 mlrd teńgesi múlik bolsa, 1,5 trln teńgesi qarajat. Aktsiiaǵa qatysýshylar ótken jyldyń 1 jeltoqsanynan bastap 1,5 esege artyp, 100 myńnan asty. Jyl basynan beri Jariia etý kólemi 5 esege artty. Aktsiia aiaqtalyp keledi jáne biz aldymyzdaǵy tórt aida qatysýshylardyń jańa «tolqynyn» kútemiz», - dedi B.Sultanov.
Elbasy qarjy ministrine Jariia etý aktsiiasy boiynsha tapsyrma berdi.
«Aktsiiaǵa bailanysty aqsha kóbeigennen keiin teńgemen qarjy jáne salyq jinaý aýqymy keńeigenin aityp otyrsyń. Biraq ta salyq jinaý máselesine tereńirek úńilip, onyń júiesin keńeitip, ári qarai jumys isteý kerek. Qandai jańalyqtar bar, jekeshelendirý qalai ótip jatyr, jariia etý aiasynda jyljymaityn múlikter kóbeiip jatyr ma? Sonyń barlyǵyn zerdelep, memlekettiń qazynasyn kóbeitýge jumys isteý kerek», - dedi Elbasy.
.jpeg)