«Jas Otan» jastar qanatynyń IV sezinde Ortalyq keńestiń jańa músheleri sailandy, dep habarlaidy QazAqparat tilshisi.
Uiymnyń tóraǵasy Daniiar Súndetbaev jáne aimaqtyq bólimshelerdiń 16 basshysy qaldy. Olardyń ishinde Astana men Almaty qalalarynyń eki tóraǵasy da bar. Al Ortalyq keńeske sailanǵan jańa múshelerdiń ishinde «Arutas» beton buiymdaryn shyǵarý zaýytynyń direktory Bekjan Álimqulov, «Ninety One» tobynyń ánshisi Dýlat Muhametqaliev, karateshi Islam Bairamov, «AqtóbeMunaiMashKomplekt» JShS qyzmetkeri Qýanyshbek Ábdirahmanov, Taldyqorǵan meditsinalyq kolledjiniń jastar isi jónindegi komitet tóraiymy Merýert Ábilqas, «NCOC N.V.» kompaniiasynyń keńesshisi Iliias Qonysbaev, ShQO Ishki saiasat basqarmasynyń jastar isi jónindegi bólim basshysy Erkebulan Baltabekov, «SANA» JShS direktory Serikbol Berikqoja, «Jas Otannyń» aimaqtyq keńesshisi Jandos Súleimenov, «Altyn júrek» syilyǵynyń iegeri Niiaz Súndetáliev, Qostanai memlekettik pedagogikalyq institýtynyń jastar men stýdenttik uiymdarmen jumys jónindegi bólim basshysy Abai Júsipov, «Abzal i Kompaniia» direktory Maǵjan Eraliev, Jańaózen qalasynyń jastar isi jónindegi komitet jetekshisi Ǵani Qurmanǵaliev, úzdik spiker Rústem Armanov jáne Ońtústik Qazaqstan oblystyq ákimdiginiń «Qoǵamdyq kelisim» MKK aýdandyq filialynyń basshysy Abylai Musabekov bar.
Aita keteiik, búgin Astanadaǵy Kongress-ortalyqta «Jas Otan» jastar qanatynyń IV sezi bastaldy. Biylǵy shara jańa formatta uiymdastyrylyp otyr. Arnaiy konferentsiiada uiymnyń jańa jarǵysy qabyldandy. Erteń gala-forým uiymdastyrylady. Sol jerde «Jas Otannyń» tujyrymdamasy qabyldanady degen jospar bar.
