Nigeriianyń soltústik-batysyndaǵy Zamfara shtatynda qaraqshylar shabýylynan kem degende 35 adam qaza tapty. Bul týraly Agence France-Presse agenttigi habarlady.
Mohamed Shehý shtaty politsiiasy ókiliniń málimdeýinshe, bes aýylda 35 adam óltirilgen. Qaraqshylar jurtty tonaýmen jáne urlaýmen ainalysqan.
AFP kýágerlerdiń aitýynsha, shabýyldar 8 shildede jasalǵan, al qaza bolǵandardyń jalpy sany 43 adamǵa jetedi. Óz kezeginde Nigeriianyń Premium Times gazeti Zamfara shtatynyń Farý aýdanynda 7 shildede jergilikti turǵyndar qarýmen qorqytqan eki qaraqshyny óltirgennen keiin aýyldarǵa shabýyl jasalǵanyn atap ótti. Al juma kúni Reuters agenttigi qaraqshylar Farý qalasyna shabýyl jasap, 45 turǵyndy óltirdi dep habarlady.
Nigeriiada ekinshi jyl qatarynan beibit turǵyndarǵa jasalǵan bandalyq shabýyldar sany edáýir artty. Qylmyskerler adamdardy óltiredi, tólem úshin kepilge alady, mal urlaidy, turǵyndardy qorqytady, ártúrli bopsalaýlardan óndirip alady. Qaraqshylar sonymen birge qaýipsizdik máseleleri boiynsha bilikpen yntymaqtasqan aýyldar men qalalardy nysanaǵa alady. Órship otyrǵan bul qylmysqa qarsy turý úshin bilik arnaiy politsiia men armiia bólimderin paidalanýǵa májbúr. Jergilikti militsiia bólimsheleri de qurylýda.
