Búgin «Qazaqstan» Ulttyq telearnasynan «Niet» áleýmettik jobasynyń tusaýy kesildi. Jumys kúnderi 12:00-den bastap 2 saǵat boiy tikelei efirde kórsetiletin jobada kómekke zárý jandardyń máselesi kóteriledi. Baǵdarlama ujymy ár keiipkerge psihologiialyq kómekti aitpaǵannyń ózinde, san-salaly máseleler boiynsha naqty qoldaýlar usynady.
9 qyrkúiek kúngi baǵdarlamanyń alǵashqy shyǵarylymynda aýyr dertke shaldyqqan bir jasar Ámir Berǵannyń oqiǵasy kóterildi. «Niet» áleýmettik jobasynyń shyǵarmashylyq toby Ámirge kómek qajet ekenin aityp, qolushyn sozýǵa nietti azamattarǵa qulaqqaǵys etken bolatyn. Sonyń nátijesinde jomart jandardyń biri 1 mln. teńge aýdaryp, Ámir anasymen Túrkiia eline attandy. Tikelei efir barysynda taǵy bir kórermen qońyraý shalyp, búldirshinniń emine qajetti qarjyny berýge daiyn ekenin jetkizdi.
Buǵan qosa, stýdiiaǵa kelgen ózge de birneshe keiipkerdiń armany oryndaldy. Jobanyń 10 qyrkúiek kúngi shyǵarylymynda kópbalaly otbasyǵa páter kilti tabystalatyn bolady.
«Niet» jobasy muqtaj jandar men qoly ashyq qalyń buqaranyń arasynda kópir bolýdy maqsat etken. Muń-muqtajyn aityp kelgen jandarǵa ár habarda kómek kórsetý josparlanǵan. Buǵan tikelei efirge habarlasý arqyly qolushyn sozýǵa nietti ár adam atsalysa alady.
Kómekke zárý jandardyń ótinish-tilekteri +7 776 535 0751, +7 701 555 0751 nómirleri boiynsha kez kelgen ýaqytta qabyldanady. Habar barysynda saýal joldap, pikir bildirý úshin 8 (717) 2 75 71 71, +7 701 5550751 (Whatsap) bailanys telefondary jumys isteidi.
