Niderlandynyń dámhanalary men barlary tún ortasynda jabylady, al túngi klýbtardyń jumystary toqtatyldy, dep habarlaidy "Ult aqparat".
Bul sharalar Niderlandyda COVID-19 juqtyrý jaǵdailary bir kúnde jeti esege kóbeigennen keiin engizilip otyr. Infektsiia juqtyrǵandar sany táýligine 7 myńǵa jetti, naýqastardyń basym bóligi – 30 jasqa deiingi adamdar.
El premer-ministri Mark Riýtteniń aitýynsha, úkimet tarapynan tiisti aralasý bolmasa, koronavirýstyń taralý jyldamdyǵy óse bermek.
«Bizdiń maqsatymyz – densaýlyǵy osal adamdardy qorǵap, olardy meditsinalyq qyzmet kórsetýmen qamtamasyz etý, sonymen qatar ekonomika men qoǵamǵa barynsha az shyǵyn keltirý», - dedi M. Riýtte.
Degenmen Niderlandta maska taǵý mindetti etilmedi. Turǵyndar tek qoǵamdyq kólikterde ǵana maska taǵýǵa mindetti.
1,5 metrlik áleýmettik araqashyqtyq Niderlandtyń barlyq qonaq qabyldaý sektorynda talap etiledi. Mindetti testileý teatr jáne sporttyq stadiondar siiaqty qoǵamdyq oryndarǵa barý úshin kerek bolady.
