2020 jyldyń 1 qańtarynan bastap «Gollandiia» sózi Niderland patshalyǵynyń ataýy retinde resmi túrde kúshin joidy, dep habarlaidy "Ult aqparat" Business Insider basylymyna silteme jasap.
«Endi jergilikti bilik, JOO, jekemenshik kompaniialar men baspasóz «Niderland» sózin qoldanýy kerek. Úkimet bul sheshim esirtki men jezókshelikpen ǵana bailanystyrylatyn obrazdan qutylýǵa kómektesedi degen oida», dep jazady basylym.
Sonymen qatar memleket úkimeti bul sheshim týristik aǵyndy durys baǵyttaýǵa da áser etedi dep sanaidy, sebebi qazirgi tańda týristerdiń kóbi Amsterdam, Harlem men Gaaga sekildi qalalarǵa ǵana baratyndyqtan, bul qalalar kóp týristerge tótep bere almai jatyr. Al týrizm keńesi týrister Niderlandtaǵy standartty emes baǵyttardy da tańdaýǵa kóshedi dep úmittenedi.
Memlekettiń ataýyna qatysty reformaǵa memleket biýdjetinen 200 myń evro jumsalady dep josparlanǵan.
