The New York Times tanymal amerikalyq basylymynda 19 jastaǵy qazaqstandyq Imanbek Zeikenov týraly maqala shyqty. Onyń ánshi Saint Jhn-nyń Roses ánine jasaǵan remiksi álemdegi mýzykalyq chattarda top jardy, dep habarlaidy "Ult aqparat".
The New York Times maqalasynda Qazaqstannyń Aqsý qalasynda ata-anasymen birge turatyn Imanbek Zeikenov týraly aitylǵan.
Imanbektiń ákesi – órt sóndirýshi, anasy týristik agenttikte jumys isteidi. Ol ónerli otbasynda óskenin aitqan. Imanbek jergilikti didjeiler men prodiýserlerden úirenip, alǵashqy tregin YouTube-taǵy videosabaqqa qarap jasaǵan.
Imanbek ótken jyldyń jeltoqsanyna deiin jergilikti temirjol stansasynda jumys istegen. Biraq, 2019 jyly jazda gaian-amerikalyq rep oryndaýshy jáne ánshi Saint Jhn-niń «Roses» atty ánin taýyp alǵanda bári ózgergen.
Aita keteiik, ol kezde án úsh jyl boiy jelide taraǵan. Imanbek trektiń keibir kemshil tustaryn qalpyna keltirip, remiksin reseilik áleýmettik jelilerdiń birine salǵan. Birneshe aidan keiin ol pop-juldyzǵa ainaldy.
«Men zańsyz remiks jasadym», - dedi Imanbek aýdarma qyzmeti arqyly Zoom baǵdarlamasynda.
«Men remiksimdi qalai taratarymdy bilmedim. Sondyqtan ony jelige salyp, ol týraly umytyp kettim. Birneshe aidan soń ol búkil álemge áigili bolyp ketti».
«Roses» ániniń shyqqanyna tórt jyl bolǵanda Imanbektiń remiksi halyqaralyq hitke ainaldy. Qazir onyń tregi «Roses» Billboard Hot 100 amerikalyq hit-paradynda 5-shi jáne Ulybritaniiada 1-shi orynda tur.
Ótken jyldyń tamyz aiynyń sońynda Qazaqstan azamaty reseilik Effective Records leiblimen kelisim jasady. Keiinirek ol remiksin resmi túrde singl retinde shyǵarý úshin Saint Jhn-men kelisti.
Imanbek pen Saint Jhn jeke kezdesedi.
Prodiýserdiń aitýynsha, qazir olar Instagram-da Direct arqyly sóilesip turady.
