Aqtóbede 25 tamyzda er adam mikrokredittik uiymnyń keńsesine kirip, 22 jastaǵy qyzmetkerdi tapanshaǵa uqsas zatpen qorqytqan. Ol 74 000 teńge urlap ketti, dep habarlaidy "Ult aqparat".
Jergilikti politsiia departamenti baspasóz qyzmetiniń aqparatyna sáikes, oqiǵa ornyna barǵan politsiia qyzmetkerleri jedel-izdestirý sharalaryn júrgizip, 23 jastaǵy kúdiktini ustady. Qylmysker jasaǵan áreketin tolyq moiyndady.
«Oqiǵa ornyna politsiia jasaqtary jiberilip, jedel-izdestirý sharalary negizinde 23 jastaǵy kúdiktini ustady. Ustalǵan adam istegen áreketin tolyǵymen moiyndady. Qylmystyq kodekstiń 191-babynyń 2-bóliginiń 1-tarmaǵy ("tonaý") boiynsha sotqa deiingi tergep-tekserý júrgizilip jatyr. Ózge málimetter tergeýge bailanysty jariia etilmeidi», - dedi oblystyq PD baspasóz qyzmetiniń jetekshisi Erbolat Sarqulov.
