Foto: marica.kz
Depýtat Elnýr Beisenbaev tilshilerdiń suraqtaryna jaýap bere otyryp, bankterdiń nesie mólsherin retteý qajettigin aitty. Depýtattyń pikirinshe, mikroqarjy uiymdarynyń nesie mólsheri tym shekten shyqqan, dep habarlaidy "Ult aqparat".
Depýtattyń pikiri "Adal_adam" paraqshasynda jariialandy.
«Bizde bankterdiń halyqqa beretin nesiedegi qoiatyn paiyzy edáýir joǵary. Tipti bizdiń Orta Aziiadaǵy kórshiles memleketter bar, banktik júiesi bizden áldeqaida tómen, múmkindikteri shekteýli, biraq olardyń paiyzdyq mólsherlemeleri bizden tómen. Eýropadaǵy memleketterde ipotekalyq zaimdar 12-13 paiyzdan aspaidy. Mynaý turǵan Resei Federatsiiasynda jeke beriletin paiyzdyq mólsherleme 15-17 paiyzdan aspaidy. Al bizdegi keibir mikroqarjy uiymdary bar, mikroqarjy uiymdary dep biz olardy bólek qarastyramyz da, biraq olar da týra banktiń qyzmetin atqaryp otyr. Olardaǵy beriletin paiyz 44-45 paiyzǵa deiin ketip qalady. Al keibir bankterde kólikti ózińizdiń atyńyzǵa aýdaratyn bolsańyz, ol jerdegi paiyz 36-38 paiyzǵa deiin. Osy máseleni retteitin ýaqyt keldi», - deidi depýtat.
Onyń aitýynsha, banktik júiedegi básekelestikti arttyrý qajet. Belgilengen deńgeilerdi qoiý kerek.
«Meniń oiymsha, biz qoǵamdy bólemiz ǵoi: biýdjettik qyzmetker, zeinetker dep, al bankte bárine fizikalyq tulǵa dep qaraidy. Meniń oiymsha, olardyń tabys kózine bailanysty belgili bir deńgeilerdi engizý qajet», - dep túiindedi sózin Elnur Beisenbaev.
