Foto: © AP Photo / J. Scott Applewhite
AQSh Ókilder palatasynyń spikeri Nensi Pelosi Taivanǵa kelgennen keiin jazbasha málimdeme jasady. Onda aralǵa sapary "Taivan demokratiiasyn" qoldaýdaǵy "Amerikanyń adaldyǵy" ekenin aitty, - dep habarlaidy Tengrinews.kz agenttigi RT arnasyna silteme jasap.
Pelosidiń baspasóz qyzmeti ókili bul onyń Taivanǵa 25 jyldaǵy alǵashqy resmi sapary ekenin aitty.
"Kongress delegatsiiasynyń Taivanǵa sapary qarqyndy damyp kele jatqan Taivan demokratiiasyn qoldaýdaǵy Amerikanyń umtylysyn kórsetedi", - delingen habarlamada.
Sonymen qatar, málimdemede bul sapar "AQSh-tyń uzaq jyl boiy júrgizgen saiasatyna qaishy kelmeitini" jáne "AQSh-Qytai kommiýnikesine" sáikes keletini aitylǵan.
Eske salaiyq, buǵan deiin Pelosi ushaǵy Taivan áýejaiyna qonǵan bolatyn.
