Nemis mamany Mihael Kortiým «Jolaýshylar tasymaly» AQ-nyń Bas direktory bolyp taǵaiyndaldy, dep habarlaidy "Ult aqparat" «Jolaýshylar tasymaly» AQ baspasóz ortalyǵyna silteme jasap.
"M. Kortiým - temir jol salasynda, onyń ishinde jolaýshylar tasymalynda mol tájirbiesi bar maman. Qaita qurý, jobalaý, jańa strategiiany júzege asyrýda talai iri jobalardy iske qosqan.
Sondai-aq, klientterge joǵary deńgeide qyzmet kórsetý, servis máseleleri, jolaýshylar tasymalyndaǵy kóptegen ózekti problemalardyń sheshimin taýyp, osy baǵytta talai igi bastamalardyń jetekshisi bolǵan" delingen resmi habarlamada.
M. Kortiým 1969 jyly 3 aqpan kúni Gambýrgte dúniege keldi (Germaniia). Eńbek ótili 1989 jyldan bastaý alady. «DeutscheReichsbahn» kompaniiasynda (Nemis temir joldary) qatardaǵy elektromonter, artynan 5 jyl poiyz mashinisi bolǵan. Budan keiin jolaýshylar poiyzdaryna qyzmet kórsetý bóliminiń sýpervaizeri qyzmetine aýysqan. «DB Fernverkehr» kompaniiasynyń Soltústik servis ortalyǵynyń basshysy, Soltústik Germaniia óńirindegi «DB InternationalGmbH» kompaniiasynyń basshysy boldy.
Sońǵy jyldary M. Kortiým Taiaý Shyǵys pen Soltústik Germaniia boiynsha komaniianyń óndiris jónindegi Bas direktory, «DB Engineering&Consulting» kompaniiasynyń bas direktory, «ValueEngineering / Asia and Pacific» jáne «DB Engineering&Consulting» Atqarýshy direktory (Berlin) laýazymynda eńbek etken.
