«Aqorda» rezidentsiiasynda Memleket basshysynyń tóraǵalyǵymen biýdjettik josparlaý máseleleri jóninde keńes ótti, dep habarlaidy "Ult aqparat".
Jiynǵa Premer-ministr Asqar Mamin, Premer-Ministrdiń birinshi orynbasary – Qarjy ministri Álihan Smaiylov, Premer-ministrdiń orynbasarlary – Berdibek Saparbaev pen Jeńis Qasymbek, Ulttyq ekonomika ministri Rýslan Dálenov, Esep komitetiniń tóraǵasy Natalia Godýnova, sondai-aq Prezident Ákimshiliginiń basshylyǵy qatysty.
Keńes barysynda Prezidentke respýblikalyq biýdjettiń aldaǵy úsh jylǵa arnalǵan jobasynyń negizgi parametrleri baiandaldy.
Qasym-Jomart Toqaev biýdjet jobasynyń teńgerimdi jáne elimizdiń áleýmettik-ekonomikalyq damý talaptaryna sai ekenin aitty. Sonymen qatar, Memleket basshysy biýdjettik shyǵystardyń tiimdiligin arttyrý jáne biýdjettiń kirisin odan ári ulǵaitý jónindegi jumystardy jalǵastyrýdyń mańyzdylyǵyn atap ótti.
Prezident biýdjetti josparlaýdyń barlyq kezeńderinde shyǵystardy ońtailandyrýǵa, Esep komitetimen ózara tyǵyz yqpaldastyq ornatýǵa, sondai-aq negizsiz imidjdik jáne konsaltingtik shyǵyndardy qysqartýǵa shaqyrdy.
Sońynda Memleket basshysy Úkimetke biýdjet úderisine baqylaýdy kúsheitýdi tapsyrdy. Onyń aitýynsha, biýdjet áleýmettik-ekonomikalyq turǵydan barynsha tiimdi ári mańyzdy jobalardy qarjylandyrýy tiis.
