Negizgi UBT-ǵa ótinish qabyldaý bastaldy. Ol 14 mamyrǵa deiin jalǵasady. UBT-ǵa qatysý úshin http://app.testcenter.kz saitynda tirkeýden ótýge bolady, dep habarlaidy BǴM baspasóz qyzmeti.
Testileýdiń ózi 16 mamyrdan 5 shildege deiin ótedi. Bul rette talapkerler negizgi UBT-ny eki ret tapsyryp, úzdik nátijemen granttardy taǵaiyndaý konkýrsyna qatysa alady.
«Buǵan deiin ministr Ashat Aimaǵambetov túlekterge joldaǵan hatynda talapkerlerge tiimdi sheshim qabyldanǵanyn málimdegen bolatyn. Endi olar UBT tapsyrýǵa jáne grantqa túsýge eki múmkindik aldy. Sonymen qatar bir beiindi pánderdiń kombinatsiiasyn eki ret tańdaýǵa bolady», - dep túsindirdi QR BǴM Ulttyq testileý ortalyǵynyń direktory Rýslan Emelbaev.
Aita keteiik, aldyńǵy eki UBT-2022 (qańtar, naýryz) qorytyndysy boiynsha testilenýshilerdiń ortasha baly 68,5 baldy qurady, bul byltyrdyń nátijelerinen joǵary. Qatysýshylardyń 70%-dan astamy shekti baldy jinai aldy, al eń úzdik kórsetkish - 135 ball. Talapkerlerdiń akademiialyq adaldyqty saqtaýynda da oń ózgeris baiqalady. Tyiym salynǵan zattardy alyp ótý áreketteri, sondai-aq olardy testileý kezinde paidalaný 2-3 ese azaidy.
Sonymen qatar naýryz aiynda ótken UBT-da ár pán boiynsha jeke taqyryptyq taldaý engizildi. Bul talapkerlerge ózderiniń álsiz tustaryn jaqsartyp, negizgi UBT-ǵa budan da tyńǵylyqty daiyndalýǵa múmkindik beredi.
Túlekterdiń UBT-ǵa jaqsy daiyndalýynyń taǵy bir múmkindigi – Ulttyq testileý ortalyǵynyń tegin onlain-synaq testileýin iske qosýy. Onymen qosa UTO-men birlesip ázirlengen bilim berý ortalyqtarynyń tegin onlain sabaqtary da jalǵasyp jatyr.
Aita keteiik, akademiialyq adaldyqty saqtaý úshin talapkerlerdiń test nusqasy tańbalanady. Iaǵni árbir UBT-ǵa qatysýshysynyń jeke test nusqasy bolady. Erejelerdi buzǵan jáne test tapsyrmalaryn aýditoriiadan tys jerge shyǵarýǵa tyrysqan jaǵdaida, Ulttyq testileý ortalyǵy ereje buzýshylardy anyqtap, onyń test nátijelerin joiady.
Pánderdiń sany ózgerissiz qalady - úsh mindetti jáne eki tańdaý boiynsha. Test tapsyrmalarynyń sany – 120. Onyń ishinde Qazaqstan tarihynan - 15, matematikalyq saýattylyqtan - 15, oqý saýattylyǵynan - 20 jáne eki beiindik pánnen - 35. Eń joǵarǵy upai sany – 140.
Testileýdiń jalpy ýaqyty – 4 saǵat (240 minýt). Erekshe bilim berýdi qajet etetin talapkerlerge test tapsyrmalaryn oryndaýǵa qolaily jaǵdai jasaý úshin alǵash ret negizgi 240 minýtqa qosymsha taǵy 40 minýt berildi. Sonymen birge erekshe talapkerlerge arnalǵan tapsyrmalardyń mazmunyna da ózgerister engizildi. Olar úshin test nusqalary sýrettersiz, diagrammalarsyz jáne syzbalarsyz ázirlendi. Sondai-aq UBT kezinde kompiýter ekranynda kalkýliator, Mendeleev kestesi jáne metaldardyń birqatar belsendiligi qosylǵan tuzdyń erigishtigi kestesi qoljetimdi bolady.
Eske sala keteiik, úmitkerler testileý aiaqtalǵannan keiin 30 minýt ishinde apelliatsiiaǵa bere alady. Sertifikat appeliatsiia týraly sheshim qabyldanǵannan keiin testilenýshiniń jeke kabinetinde qoljetimdi bolady.
