Foto: Tengrinews.kz
Ádilet ministri Azamat Esqaraev Tuńǵysh Prezident týraly zań kúshin joiǵannan keiin Nazarbaevtyń jaqyn týystaryn qylmystyq jaýapqa tartýǵa bola ma degen suraqqa jaýap berdi, dep habarlaidy Sputnik Qazaqstan.
Parlamenttiń birlesken otyrysynan keiin jýrnalister Esqaraevtan eger Nazarbaevtyń otbasy músheleri buǵan deiin qylmys jasaǵany anyqtalsa, olar qylmystyq jaýapqa tartyla ma dep surady.
"Zań boiynsha tiisýge bolmaityny, qamtamasyz etý týraly kepildikter tek eks-prezidentterge qarastyrylǵan. Otbasy múshelerine kózdelmegen. Qoldanystaǵy zańnamaǵa sáikes, ókiletti organdar qaraidy, eger anyqtalyp jatsa, tiisti sheshim qabyldaidy", - dedi ministr.
"Eger Qazaqstan azamaty olardyń ústinen aryz jazsa, is qarala ma?" dep naqtylady BAQ ókilderi.
"Zańnamaǵa sáikes aryz jazsa, ókiletti organdar qaraýǵa tiis", - dep jaýap berdi Esqaraev.
13 qańtarda parlament depýtattary "Qazaqstan Respýblikasynyń Tuńǵysh Prezidenti - Elbasy týraly" Konstitýtsiialyq zańnyń kúshi joiyldy dep taný týraly" Konstitýtsiialyq zańdy qabyldady. Qujatqa Prezident qol qoiýy kerek.
Endi Nursultan Nazarbaevpen birge turatyn otbasy músheleri barlyq kepildikten aiyrylady. Biraq Tuńǵysh Prezidenttiń ózine tiisýge bolmaidy. Nazarbaevqa eks-prezidentterge qatysty normalar qoldanylady.
