Parlament Májilisi QR Tuńǵysh Prezidenti Nursultan Nazarbaevtyń Qaýipsizdik Keńesi men Qazaqstan halqy Assambleiasyna ómir boiy tóraǵalyq etýin toqtatatyn konstitýtsiialyq zańnamaǵa túzetýlerdi maquldady, dep habarlaidy QazAqparat.
«Qazaqstan halqy Assambleiasy týraly» jáne «QR Qaýipsizdik Keńesi týraly» zańdaryna tiisti túzetý engizildi. Qazaqstan halqy Assambleiasyn Memleket basshysy basqarady degen, ekinshisinde Qaýipsizdik Keńesiniń tóraǵasy da Prezident bolady degen túzetý qamtyldy», - dedi Májilis depýtaty Snejanna Imasheva.
Osy oraida depýtat «QR Tuńǵysh Prezidenti – Elbasy týraly» zańnamadaǵy ózgeriske toqtala kele, Elbasynyń atalǵan eki uiymdy basqarý quqyǵy alynyp tastalǵanyn jáne ózge quqyqtary saqtalǵanyn jetkizdi.
«Memleket basshysynyń Qazaqstan halqy Assambleiasy men Qaýipsizdik Keńesine tóraǵalyǵy týraly túzetýdi Májilistiń Zańnama jáne sot-quqyqtyq reforma komiteti engizdi... Zańnamany qazirgi sheshimderge sáikes keltirý kerek. Bizdiń komitet zań sapasyna jaýapty», - dedi Imasheva.
Aita keteiik, Májilis depýtaty Qanat Nurov Parlament Májilisi «QR Tuńǵysh Prezidenti – Elbasy týraly» Konstitýtsiialyq zańǵa túzetýler engizip, Senatqa joldaǵanyn aitqan edi.
