Dariǵa Nazarbaeva Resei Federatsiiasy Úkimetiniń Tóraǵasy Dmitrii Medvedevpen kezdesti, dep habarlaidy "Ult aqparat" Senattyń baspasóz qyzmetine silteme jasap.
Qazaqstan Respýblikasy Parlamenti Senatynyń Tóraǵasy Dariǵa Nazarbaeva Resei Úkimeti Tóraǵasynyń «Gorki» rezidentsiiasynda Resei Federatsiiasy Úkimetiniń Tóraǵasy Dmitrii Medvedevpen kezdesti.
Taraptar memleketter arasynda qarqyndy saiasi únqatysý qalyptasqanyn, ekonomikalyq tyǵyz bailanystar ornaǵanyn, barlyq salaldaǵy yntymaqtastyq ózara tiimdi damyp kele jatqanyn atap ótti. Ónerkásip kooperatsiiasyn damytý, Qazaqstan men Resei kásiporyndary arasyndaǵy eki jaqty jobalardy iske asyrý kózdelip otyr.
Talqylaý barysynda Qazaqstan azamattarynyń Resei aýmaǵynda júrip-turý jáne bolý jaǵdailaryn quqyqtyq qamtamasyz etý, shekaralyq ótkizý beketteriniń mártebesin ózgertý, jalpylama Ekologiialyq úlgi kodeksti ázirleý, Qazaqstan aýmaǵyndaǵy poligondardyń ekologiiasy, sondai-aq sý resýrstaryn, onyń ishinde transshekaralyq ózenderdi bólý máseleleri qozǵaldy.
Dariǵa Nazarbaeva kezdesý barysynda sondai-aq qazaqstandyq kómirdi Resei men Ýkrainaǵa jetkizý máselesin de kóterdi. Senat Tóraǵasynyń aitýynsha, júkti Resei aýmaǵynan shyǵarýǵa jáne sol aýmaqtan Ýkrainaǵa tranzitke shekteýler engizilgennen keiin birinshiden qazaqstandyq kásiporyndarǵa ýkrain naryǵyna kirý múmkindigi jabyldy, ekinshiden Resei naryǵy aitarlyqtai qysqaryp qaldy.
«Qazaqstandyq kómirdi ótkizetin basqa naryqtar joq. Baǵanyń quldyraýy men kólik shyǵyndarynyń ósýine bailanysty Eýropalyq baǵyt is júzinde toqtady. Reseilik sharalar bizdiń kómir óndirýshi kásiporyndardy osyndai jaǵdaimen toqtaýdyń shegine ákelip otyr», - dedi D. Nazarbaeva.
Resei Úkimetiniń Tóraǵasy Dmitrii Medvedev Qazaqstan Parlamenti Senatynyń Tóraǵasy saparynyń mańyzdylyǵyn atap ótti jáne Resei men Qazaqstan arasyndaǵy bailanys aýqymdylyǵymen jáne tereńdigimen erekshelenetinin aitty.
Resei Federatsiiasy úkimetiniń basshysy talqylanǵan barlyq taqyryptar boiynsha tiisti tapsyrmalar berilgenine erekshe nazar aýdartty.
«Búgin kóterilgen máseleler oń sheshimin tabady. Jaiyq ózeni boiynsha birlesken komissiia qurý jónindegi qajetti is-qimyldyń bárin óz orynbasarym Aleksei Gordeevke júzege asyrýdy tapsyramyn. Ortaq máselelerdi ózara tiimdi jaǵdaida sheshý qajet», - dedi D. Medvedev.
