Parlament Senatynyń Tóraǵasy Dariǵa Nazarbaeva qazaqstandyq jeńil ónerkásip salasynyń ókilderin ónim jarnamasyna erekshe nazar aýdarýǵa shaqyrdy, dep habarlaidy "Ult aqparat".
Búgin Senatta elimizdegi jeńil ónerkásip taqyrybyna arnalǵan parlamenttik tyńdaý ótip, onda saladaǵy negizgi máseleler qaraldy.
Jeńil ónerkásip salasy ónimderine laiyqty jarnama jasaý kerektigine toqtalǵan Senat tóraǵasy, «Tabysty kompaniialar únemi tanymal ári ataqty adamdardy ózderiniń ónimderin nasihattaýǵa tartady. Qazaqstanda otandyq ónerdiń, estradanyń jáne sporttyń juldyzdary barshylyq», - dedi.
Osy oraida, D. Nazarbaeva taýarlardy jarnamalaý úshin tanymal adamdardy yntymaqtastyqqa shaqyrý kerektigin atap ótti.
«Eger de Dimash Qudaibergen tek otandyq fabrikanyń aiaq kiimimen sahnaǵa shyqsa, óte jaqsy ǵoi. Sonymen qatar, otandyq óndirýshilerdiń kiimderin kise, ońtaily nátije bolatyny anyq. Munymen qosa, bizde osy saladaǵy sporttyq ónimdi jarnamalaýǵa qaýqarly sportshylarida az emes. Osy sharalarǵa ýaqyt pen qarjy bólý kerek. Bul turǵyda óner ári sport juldyzdary ózderiniń úlesin qosýǵa daiyn dep oilaimyn», - dedi Dariǵa Nazarbaeva.
