Dariǵa Nazarbaeva Qazaqstan men Chehiia arasyndaǵy ózara tiimdi yntymaqtastyqty tereńdetý týraly aitty, dep habarlaidy "Ult aqparat" Senattyń baspasóz qyzmetine silteme jasap.
Parlament Senatynyń Tóraǵasy Dariǵa Nazarbaeva Chehiia Respýblikasy Parlamenti Depýtattar palatasynyń Tóraǵasy Radek Vondrachekpen kezdesý ótkizdi.
Taraptar aýyl sharýashylyǵy, kólik-tranzit infraqurylymy, energetika, farmatsevtika, densaýlyq saqtaý jáne týrizmdi óristetý salasyndaǵy birlesken jobalardyń keleshegin talqylady.
Dariǵa Nazarbaeva kezdesýdi asha kelip, Chehiia Qazaqstannyń Eýro Odaqtaǵy keleshegi zor saýda-investitsiialyq áriptesteriniń biri ekenin jáne osy elmen dostyq qatynasty tereńdetýge basa nazar aýdarylatynyn atap ótti. Senat Basshysy Chehiia kásipkerlerin Qazaqstanmen yntymaqtastyqty keńeite túsýge shaqyrdy.
«Qazaqstan arqyly Aziia men Eýropa elderin bailanystyratyn 5 temirjol jáne 6 avtokólik baǵdary ótedi. Sol sebepti shekaralas eldermen jobalardy iske asyrýdyń tuǵyry retinde Qazaqstandy qarastyrý múmkindigi bar», - dedi D.Nazarbaeva.
Chehiia Respýblikasy Parlamenti Depýtattar palatasynyń Tóraǵasy óz kezeginde Qazaqstan men Chehiia arasyndaǵy qatynastardyń joǵary deńgeide ekenin baǵalady jáne olardy damytýdyń zor áleýetin atap ótti.
Radek Vondrachek sondai-aq «Nurly jol» infraqurylymdyq damýdyń memlekettik baǵdarlamasyn iske asyrýdyń mańyzyn atap ótip, eki el arasyndaǵy yntymaqtastyqtyń osy baǵytyn keńeitýge múddelilik bildirdi.
