Elbasy Qyrǵyz Respýblikasynyń Prezidenti Sooronbai Jeenbekovpen kezdesti, dep habarlaidy QR Tuńǵysh Prezidentiniń resmi saity.
Kezdesý barysynda Nursultan Nazarbaev túrki integratsiiasyn odan ári tereńdetýdiń erekshe mańyzdylyǵyn atap ótti.
– Qazaqstan túrki áleminiń barlyq elderimen seriktes. Men Keńestiń kóptegen institýttaryn qurýǵa bastamashy boldym. Eń mańyzdysy – elderimiz arasyndaǵy beibitshilik pen kelisimdi qamtamasyz etý, – dedi Elbasy.
Óz kezeginde Sooronbai Jeenbekov Qazaqstannyń Tuńǵysh Prezidentiniń túrki elderi arasyndaǵy yntymaqtastyqty nyǵaitýǵa qosqan úlesin atap ótip, Elbasynyń Túrki tildes memleketterdiń yntymaqtastyǵy keńesiniń qurmetti tóraǵasy mártebesine ie bolýymen quttyqtady.
